¹"அம்ம வாழி தோழி நம்மலை
நறுந்தண் சிலம்பி னாறுகுலைக் காந்தட்
கொங்குண் வண்டிற் பெயர்ந்துபுற மாறிநின்
வன்புடை விறற்கவின் கொண்ட
வன்பி லாளன் வந்தன னினியே."

எனவும் வரும்.

வந்தோன் றன்னொடு பாங்கி நொந்து வினாதற்குச் செய்யுள்:

²"ஒருதலைக் கெய்திய கல்லதர்க் குச்செல்ல வோருயிர்த்தா
யிருதலைப் புள்ளி னியைந்த நுங் கேண்மையை யெண்ணியெம்மூர்
வருதலைக் கொண்க நினைந்தில வாணன்றென் மாறைவண்டு
பொருதலைக் குங்குழ லாளழ நீகண்டு போயபின்னே."

எனவும்,

³"யாங்குவல் லுநையோ வோங்கல் வெற்ப
விரும்பல் கூந்தற் றிருந்திழை யரிவை
திதலை மாமை தேயப்
பசலை பாயப் பிரிவு தெய்யோ."

எனவும் வரும்.

தலைவன் பாங்கியொடு நொந்துவினாதற்குச் செய்யுள்:

⁴"ஐவா யரவுற்ற தன்னவின் னாவிட ராற்றியென்போல்
எவ்வா றிருந்திர்நீ ரெல்வளை யீரெதிர்ந் தாரைவென்று
மைவா ரணங்கொண்ட வாணன்றென் மாறை மருவலர்போல்
ஒவ்வா வலரையுங் கேட்டிரு வீரு மொருதனியே,"

என வரும்.

பாங்கி தலைவியை ஆற்றுவித்திருந்த அருமை தலைமகற்குச் சொல்லற்குச் செய்யுள்:

⁵"இவளா ருயிர்புரந் தியானிருந் தேன்செக்க ரிந்துவன்னப்
பவளா டவியிற் பயினித் திலம்பங்க யங்குவியத்
தவளா தவஞ்சொரி தண்டுறை வாதஞ்சை வாணன்றெவ்வின்
றுவளா மலாற்றுவி யென்றன்று நீசொன்ன சொன்னினைந்தே,"

எனவும்,

1. ஐங்குறு, செ :226.

2. த. கோ. செ : 257.

3. ஐங்குறு. செ :231.

4. த. கோ. செ : 258.

5. த. கோ. செ :259.