தலைவி கொடுஞ்சொற் சொல்லற்குச் செய்யுள்:

¹"மண்டுந் திரைவையை சூழ்தஞ்சை வாணற்கு வன்புலியுஞ்
செண்டுங் கொடுத்தகல் செம்பியர் போலன்பர் சென்றுழிமுன்
இரண்டுங் கழையும் பயிலும்வெங் கானியல் கேட்டுமிந்நோய்
கண்டுங் கலங்கல்செல் லாதிந்த வூரெற் கழறனன்றே."

எனவும்,

²"எறும்பி யளையிற் குறும்பல் சுனைய
உலைக்க லன்ன பாறை யேறிக்
கொடுவி லெயினர் பகழி மாய்க்குங்
கவலைத் தென்பவவர் தேர்சென்ற வாறே
யதுமற் றவலங் கொள்ளாது
நொதுமலர்க் கழறுமிவ் வழுங்க லூரே,"

எனவும் வரும்.

வருகுவர் மீண்டெனப் பாங்கி வலித்தற்குச் செய்யுள்:

³"தேர்த்தானை வாணன்றென் மாறைமின் னேயஞ்சல் செம்புருக்கி
வார்த்தா லனைய வழிநெடும் பாலை மடப்பெடை நோய்
பார்த்தா தவந்தணி பாதவ மின்மையிற் பைஞ்சிறகாற்
போர்த்தாலு மஞ்ஞைகண் டும்போவ ரோநம் புரவலரே."

எனவும்,

⁴"நசைபெரி துடையர் நல்கலு நல்குவர்
பிடிபசி களைஇய பெருங்கை வேழம்
மென்சினை யாஅம் ⁵பிளக்கும்
அன்பின தோழியவர் சென்ற வாறே."

எனவும் வரும்.

பருவங் கண்டு பெருமகள் புலம்பற்குச் செய்யுள்:

⁶"மிகவும் பரந்த கரியகண் ணீர்செங்கை வெள்வளைபோல்
உகவுந் துறந்தவ ருன்னல ராலுறை கார்பொழிய
மகவுந் துணையுங் கலைதழு வுந்தஞ்சை வாணன்வெற்பின்
அகவும் பெடைமயி லுந்தமி யேனெங்ங னாற்றுவலே,"

எனவும்,

1. த. கோ. செ : 266.

2. குறு. செ : 12.

3. த. கோ. செ : 267.

4. குறு. செ : 37.

5. (பாடம்) 'பொளிக்கும்,'

6. த. கோ. செ : 268.