மருளேய் கலியிருண் மாற்றிய வாணன்றென் மாறையினி
னருளே யொழியவுண் டோநிழ லாவ தணங்கினுக்கே."

எனவும்,

¹"நீர்கால் யாத்த நிரையிதழ்க் குவளை
²கோடை யொற்றினும் வாடா தாகுங்
கவணை யன்ன பூட்டுப்பொரு தசாஅ
வுமணெருத் தொழுகைத் தோடுநிரைத் தன்ன
முளிசிளை பிளக்கு முன்பின் மையின்
யானை கைம்மடித் துயவுங்
கானமு மினியவா நும்மொடு வரினே."

எனவும் வரும்.

தலைவன் போக்குடன் படுதற்குச் செய்யுள்:

³"நஞ்சோ வழலோ வெனுஞ்சுர மோசெல்ல நாடியவென்
னெஞ்சோ கொடியது நேரிழை யாய்நிழன் மாமதியோ
மஞ்சோ தவழ்மதில் சூழ்தஞ்சை வாணன் வரையிலவம்
பஞ்சோ வனிச்சங்கொ லோவெனுஞ் சீறடிப்பைந்தொடிக்கே."

எனவும்,

⁴"ஆறுசெல் வருத்தத்துச் சீறடி சிவப்பவுஞ்
சினைநீங்கு தளிரின் வண்ணம் வாடவுந்
தான்வர றுணிந்த விவளினு மிவளுடன்
வேய்பயி லழுவ முவக்கும்
பேதை நெஞ்சம் பெருந்தக வுடைத்தே."

எனவும் வரும்.

பாங்கி தலைவிக்கு உடன்போக்கு உணர்த்தற்குச் செய்யுள்:

⁵"பாலன்ன பாயற் பகையென்னுஞ் சீறடி பட்டுருவும்
வேலன்ன கூர்ங்கன் மிதிக்குங்கொ லென்றனர் மேதினிக்கு
மாலன்ன வாணன்றென் மாறைநன் னாட்டு வயலுகளுஞ்
சேலன்ன நீள்விழி யாய்தெரி யாதன்பர் சிந்தனையே."

எனவும்,

1. குறு. செ : 388.

(பாடம்) 2. 'கோடை ஏற்றினும்.'

3. த. கோ. செ : 308.

4. தொல், பொருள், அகத்திணை, இ:41 - ஆம் சூ. மேற்கோள் உரை

5. த. கோ. செ :309.