ஈறாகச் சொல்லப்பட்ட இவ்வொரு மூன்றும் தலைமகள் செவிலித்தாய் புலம்பற்கு உரியவாம் என்றவாறு.

அவற்றுள், செவிலி பாங்கியை வினவற்குச் செய்யுள்:

¹"நலம்புனை யாயமு நீயுநற் றாயொடு நானுநன்பொன்
சிலம்புயர் சோலையுஞ் சிற்றிலும் பேரிலுந் தெண்டிரைமேல்
வலம்புரி யூர்வயல் சூழ்தஞ்சை வாணனை வாழ்த்தலர்போற்
புலம்புற மாதரெங் கேமக ளேதனிப் போயினளே."

என வரும்.

பாங்கி செவிலிக்கு உணர்த்தற்குச் செய்யுள்:

²"வெறுத்தா ரொறுத்துரை மேலுநங் கேளிர் விழைதலின்றி
மறுத்தா ரவற்கு மணமத னாற்றஞ்சை வாணர்பிரான்
கறுத்தார் புரத்து நடந்தனள் காளைபின் காமர்கற்பாற்
பொறுத்தாளழற்சுரந் தன்னையன்னாய்நின் பொலங்கொடியே."

எனவும்,

³"செவ்வாய்க் கரியகட் சீரினாற் கேளாதுங்
கவ்வையாற் காணாது மாற்றாது - மவ்வாயந்
தார்த்தத்தை வாய்மொழியுந் தண்கயத்து நீலமும்
ஓர்த்தொழிந்தா ளென்பேதை யூர்ந்து."

எனவும் வரும்.

பாங்கியின் உணர்ந்த செவிலி தேற்றுவார்க்கு எதிரழிந்து மொழிதற்குச் செய்யுள்:

⁴"மாறா வளவயல் சூழ்தஞ்சை வாணன்றென் மாறையென்க
ணாறா வருந்துய ராற்றுகின் றீரறி வேகொளுத்தி
யூறா வனகடிந் தென்முலை யூறமிர் தூட்டியின்சொல்
கூறா வளர்த்ததற் கோவென்னை நீத்ததென் கோல்வளையே."

எனவும்,

⁵"அத்த நீளிடை யவனொடு போகிய
முத்தேர் வெண்பன் முகிழ்நகை மடவரல்
தாய ரென்னும் பெயரே வல்லா

1. த. கோ. செ : 323.

2. த. கோ. செ : 324.

3. திணைமாலை நூற் செ : 73.

4. த. கோ. செ : 325.

5. ஐங்குறு. செ : 380.