நற்றாய் சுரந்தணிவித்தற்குச் செய்யுள்:

¹வெஞ்சுர நாடு வியன்சுர லோகமும் வெங்கடுங்கா
னைஞ்சுர தாரு வனங்களு மாக வகிற்புகைபோல்
மஞ்சுர வாடக மாமதில் சூழ்தஞ்சை வாணன்வெற்பிற்
பஞ்சுர மாகு மொழிச்சுரு ளோதியென் பைந்தொடிக்கே,"

எனவும்,

²மள்ளர் கொட்டின் மஞ்ஞை யாலும்
உயர்நெடுங் குன்றம் படுமழை தலைஇச்
சுரநனி யினிய வாகுக தில்ல
அறநெறி யிதுவெனத் தெளிந்தவென்
பிறைநுதற் குறுமகள் போகிய சுரனே."

எனவும் வரும்.

நற்றாய் தன்மகள் மென்மைத்தன்மைக்கு இரங்கற்குச் செய்யுள்:

³தாமே தமக்கொப்பு மற்றில் லவர்தில்லைத் தண்ணனிச்சப்
பூமேன் மிதிக்கிற் பதைத்தடி பொங்குநங் காயெரியுந்
தீமே லயில்போற் செறிபரற் கானிற் சிலம்படிபா
யாமே நடக்க வருவினை யேன்பெற்ற அம்மனைக்கே."

எனவும்,

⁴உவக்கின்ற வல்லி மலர்த்தாளென் கண்களி லொற்றிக்கண்கள்
சிவக்கின்ற தற்குமுன் னேசிவந் தேறுஞ் செயலதன்றோ
பவக்குன் றிடிப்பவ ராரூர்த் தியாகர் பனிவரைமேல்
நிவக்கின்ற வெஞ்சுரத் தேசென்ற வாறென் னினைப்பதுவே."

எனவும்,

⁵அரக்காம்ப னாறும்வா யம்மருங்கிற் கன்னோ
பரற்கான மாற்றின கொல்லோ - அரக்கார்ந்த
பஞ்சிகொண் டூட்டினும் பையெனப் பையெனவென்
றஞ்சிப்பின் வாங்கு மடி."

எனவும் வரும்.

1. த. கோ. செ : 335.

2. ஐங்குறு, செ : 371.

3. திருக்கோவையார், செ : 228.

4. திருவாரூர்க் கோவை, 395.

5. நாலடியார், செ : 396.