தன்செல வீன்றாட் குணர்த்திவிடுத்தலும்
ஈன்றாட் கந்தணர் மொழிதலும் ஈன்றாள்
அறத்தொடு நிற்றலிற் றமர்பின் சேறலைத்
தலைவி கண்டு தலைவற் குணர்த்தலும்
தலைமக டன்னைத் தலைமகன் விடுத்தலும்
தமருடன் செல்பவள் அவன்புற நோக்கிக்
¹கவன்றாற் றலுமென நுவன்றவை ஆறும்
உடன்போக் கிடையீட்டு விரியா கும்மே.

(இ - ம்.) உடன்போக்கிடையீட்டுவிரி உணர்த்துதல்நுதலிற்று.

(இ - ள்.) நீங்குங்கிழத்தி பாங்கியர் தமக்குத் தன்செலவுணர்த்தி விடுத்தல் முதலாகத் தமருடன் செல்பவள் அவன்புறநோக்கிக் கவன்றாற்றல் ஈறாகச் சொல்லப்பட்ட ஆறும் உடன்போக்கிடையீட்டு விரியாம் என்றவாறு.

அவற்றுள், நீங்குங்கிழத்தி பாங்கியர் தமக்குத் தன்செலவுணர்த்தி விடுத்தற்குச் செய்யுள்:

²"வளவேய் மிடைந்த வழிபடர் வீர்செங்கை வாணன்றஞ்சைத்
தளவேய் நகையென் றுணைவியர் பாற்சென்று சாற்றுமின்போர்க்
களவே ளனையவோர் காளைபின் போயினள் கான்பனிநீத்
திளவேனில் வல்லிபெற் றாங்கெவ்வ நீத்தெழி லெய்தியென்றே"

எனவும்

³"சேட்புல முன்னிய வசைநடை யந்தணிர்
நும்மொன் றிரந்தனென் மொழிவ லெம்மூர்
யாய்நயந் தெடுத்த வாய்நலங் கவின
வாரிடை யிறந்தன ளென்மின்
நேரிறை முன்கையென் னாயத் தோர்க்கே."

எனவும் வரும்.

தலைமகள் தன்செலவு ஈன்றாட்கு உணர்த்திவிடுத்தற்குச் செய்யுள்:

⁴"வாயார நுங்களை வாழ்த்துகின் றேன்தஞ்சை வாணன்வெற்பிற்
சாயாத மாதவத் தாழ்சடை யீரன்பர் தம்மொடின்றியான்

1. (பாடம்) 'கவன்றரற்றல்.'

2. த. கோ. செ : 360.

3. ஐங்குறு. செ : 384.

4. த. கோ. செ : 361.