8. வரைதல்

அந்தணர் சான்றோர் முன்னிட்டு அருங்கலங் கொடுத்து வரைதல்

199. தன்னூர் வரைதலும் தன்மனை வரைதலும்
என்னுமிவ் விரண்டொழித் தெவற்றினுங் கிழவோன்
அந்தணர் சான்றோர் முன்னிட் டருங்கலம்
தந்து வரைதல் தகுதி யென்ப.

(இ - ம்.) வரைதலுணர்த்துதல் நுதலிற்று.

(இ - ள்.) உடன்போய்த் தன்னூரின்கண்ணே வரைதலும் மீண்டு வந்து தன்மனைக்கண்ணே வரைதலுமாகிய இரண்டும் ஒழித்து அல்லாத எல்லா வரைவின் கண்ணும் தலைமகன் அந்தணரையும் சான்றோரையும் முன்னிட்டு அருங்கலங் கொடுத்து வரைதல் உலகத்தியற்கை எனச் சொல்லுவர் புலவர் என்றவாறு .

அவற்றுள் , அவ்வாறு வரைந்து கொண்டுழிக் கண்டோர் மகிழ்ந்து கூறியதற்குச் செய்யுள் :

¹"சேலார் புனல்வையை சூழ்தஞ்சை வாணன்றென் மாறையினம்
வேலா னெனப்பிறர் வேட்டவா யார்மணம் வெண்டுகிலின்
பாலா ரமளியும் பாற்கட லானது பங்கயக்கண்
மாலா யினனிவ னுந்திரு வாயினள் மாதுமின்றே"

எனவும்,

²"கயற்க ணாளையுங் காமனன் னானையும்
இயற்றி னார்மண மேத்தருந் தன்மையார்
மயற்கை யில்லவர் மன்றலின் மன்னிய
இயற்கை யன்புடை யாரியைந் தார்களே"

எனவும் வரும்.

மூன்றாவது வரைவியல் முற்றிற்று.

1. த. கோ. செ : 366.