வரவுகண் டுவந்து வாயில்கள் மொழிதலும்
வரவுணர் பாங்கி அரிவைக் குணர்த்தலும்
முதிரா மென்முலை யெதிர்கொண்டு பணிதலும்
புணர்ச்சியின் மகிழ்வுமென் றுரைத்த பன்னொன்றும்
உணர்த்த உணரும் ஊடற் குரிய.

(இ - ம்.) பரத்தையிற்பிரிவில் உணர்த்தவுணரும் ஊடற்குரிய விரி உணர்த்துதல் நுதலிற்று.

(இ - ள்.) காதலன் பிரிவுழிக் கண்டோர் புலவிக்கு ஏது ஈதாம் இவ்விறைவிக்கென்றல் முதலாகப் புணர்ச்சியின் மகிழ்தல் ஈறாகச் சொல்லப்பட்ட பதினொன்றும் உணர்த்தவுணரும் ஊடற்குரியவாம் என்றவாறு.

அவற்றுள், காதலன் பிரிவுழிக் கண்டோர் புலவிக்கு ஏது ஈதாம் இவ்விறைவிக்கென்றற்குச் செய்யுள் :

¹"மாறையர் காவலன் வாணன்றென் றஞ்சையில் வாணுதற்கிவ்
வாறயர் காரண மாகுமென் றேகொங்கை யானையுடன்
சாறையர் வீதிய ரிப்பறை யார்ப்பத் தயங்குகுழல்
சூறையர் சூறைகொள் வான்வய லூரனைச் சூழ்ந்தனரே."

என வரும்.

தனித்துழி இறைவி துனித்தழுது இரங்கற்குச் செய்யுள் :

²"வன்போ தணிதொங்கல் வாணன்றென் மாறை மகிழ்நர்நம்மேல்
அன்போடு நன்னெஞ் சறிவறை போக வழலுள்வெந்த
பொன்போ னிறங்கொண் டிரவுங்கண் ணீரும் புலர்வதுபார்த்
தென்போ லெவரிங்ங னேயிமை யாம லிருப்பவரே."

எனவும்,

³"சிறைபனி யுடைந்த சேயரி மழைக்கண்
பொறையரு நோயொடு புலம்பலைக் கலக்கிப்
பிறருங் கேட்குந ருளர்கொ லுறைசிறந்
தூதை தூற்றுங் கூதிர் யாமத்
தானுளம் புலம்புதொ றுளம்பும்
நாநவில் கொடுமணி நல்கூர் குரலே."

எனவும் வரும்.

1. த. கோ. செ : 377.

2. த. கோ. செ : 378.

3. குறுந். செ : 86.