(இ - ம்.) நிறுத்த முறையானே காலம் என்னும் உறுப்பு உணர்த்துதல் நுதலிற்று.

(இ - ள்.) இறந்தகாலமும் நிகழ்காலமும் எதிர்காலமும் என, அடைவே நின்று உலகத்துள்ள பொருள்களை அறியும்படியாக நடப்பது காலம் என்னும் உறுப்பாம் என்றவாறு.

(19)

7. பயன்

பயன் இன்னது என்பது

229. இப்பொருள் பயக்குமிஃ தென்பது பயனே.

(இ - ம்.) நிறுத்த முறையானே பயன் என்னும் உறுப்பு உணர்த்துதல் நுதலிற்று.

(இ - ள்.) இப்பொருளை இது பயக்கும் என்று சொல்லுவது பயன் என்னும் உறுப்பாம் என்றவாறு.

(20)

8. முன்னம்

முன்னம் இன்னது என்பது

230. இன்னார்க் கின்னுழி இன்னது பயக்குமெனும்
முன்னம் தருவது முன்ன மாகும்.

(இ - ம்.) நிறுத்த முறையானே முன்னம் என்னும் உறுப்பு உணர்த்துதல் நுதலிற்று.

(இ - ள்.) இத்தன்மையர்க்கு இவ்விடத்து இன்னது தரும் என்னும் குறிப்பினை வெளிப்படுப்பது முன்னம் என்னும் உறுப்பாம் என்றவாறு.

(21)

9. மெய்ப்பாடு

மெய்ப்பாடு இன்னது என்பது

231. நகை முதலாமிரு நான்குமெய்ப் பாடும்
நிகழ்பொருள் மெய்ப்பட நிற்பமெய்ப் பாடே.

(இ - ம்.) நிறுத்த முறையானே மெய்ப்பாடு என்னும் உறுப்பு உணர்த்துதல் நுதலிற்று.