திற்கு இது தகுவது என்பது; மெய்ப்பாடு உவகை; எச்சம் நின்றானாயின் என்பட்டொழியும் என்னுங்குறிப்பு. பொருள் வகை - குரகதம். எற்காத்தலின் வாழ்வனவாக என இறுதியும் முதலும் பொருள்பட நிற்றலின் பூட்டுவிற் பொருள்கோள்.

¹"காதற் கயம்படிந் துன்னொடு காமக் கனிநுகரா
தோதற் குகன்ற வுணர்வுடை யோருடை நீருலகம்
மாதர்க் கமைந்தருள் வாணன்றென் மாறை வரக்கடவர்
ஆதற் கணங்கனை யாய்புய லேது வறிந்தருளே."

என்னும் பாட்டிற்குத் திணை -முல்லை; கைகோள் - கற்பு; கூற்று - தோழிகூற்று; கேட்போர் - தலைமகள்; இடம் - மனையிடம்; காலம் -எதிர்காலம்; பயன் - ஆற்றுவது; முன்னம் - இவ்விடத்து இவட்கிது தகுவது என்பது; மெய்ப்பாடு -உவகை; எச்சம் - நீ வருந்தல் வேண்டாவென்னுஞ் சொல். பொருள் கோள்வகை - சொற்றொறுஞ் சொற்றொறும் பொருளற்று வந்தமையாற், புனல்யாற்றுப் பொருள்கோள்.

²"போயே தெருவிற் றனிவிளை யாடும் புதல்வற்புல்ல
நீயே திலையல்லை நின்மக னேயிவ னீயுமவன்
தாயே வருகெனச் சேயன்ன வாணன் றமிழ்த்தஞ்சைமான்
ஏயே யெனநிற்ற லானறிந் தேன்தன்னை யெங்கையென்றே."

என்னும் பாட்டிற்குத் திணை - மருதம் ; கைகோள் - கற்பு; கூற்று - தலைமகள் கூற்று; கேட்போர் - தலைமகன்; இடம் - பள்ளியிடம்; காலம் - இறந்தகாலம்; பயன் - பரத்தையிற் பிரிவொழித்தல்; முன்னம் - இவ்விடத்து இவற்கிது தகுவது என்பது; மெய்ப்பாடு - அச்சம்; எச்சம் - நீ மறைத்தல் வேண்டா என்னுஞ் சொல்; பொருள் வகை - புனல்யாற்றுப் பொருள்கோள்.

³"வெடிக்கின்ற விப்பியு ணித்திலம் பைத்தலை வெம்பகுவாய்த்
துடிக்கின்ற திங்களிற் றோன்றுந் துறைவசெஞ் சொற்புலவோர்
வடிக்கின்ற முத்தமிழ் வாணன்றென் மாறையெம் மான்மருங்கை
யொடிக்கின்ற கொங்கைகண் டாலெவர் நெஞ்சுரு காதவரே."

என்னும் பாட்டிற்குத் திணை - நெய்தல்; கைகோள் - களவு; கூற்று - தோழிகூற்று; கேட்போர் - தலைமகன்; இடம் - தனியிடம்; காலம் - எதிர்காலம்; பயன்-வரவு; முன்னம் - இவ் விடத்து இவர்க்கிது தகுவது என்பது; மெய்ப்பாடு - அச்சம்; எச்சம் - வரைதல் வேண்டும் என்னுஞ் சொல்; பொருள்வகை - புனல்யாற்றுப் பொருள்கோள், பிறவுமன்ன.

(25)

1. த. கோ. செ : 410.

2. த. கோ. செ : 400.

3. த. கோ. செ : 232.