மறுத்தெதிர்கோடற்குச் செய்யுள்:

¹"கறையா ரிலங்கிலை வேலன்பர் காமக் கடற்கெதிர்ந்த
நிறையாம் வரம்பினி நிற்பதன் றானிறை நீருலகை
மறையாமல் வன்கலி மாற்றிய வாணன்றென் மாறையினாம்
பொறையார் தவஞ்செய்தி லேநெஞ்ச மேயென் புகல்வதுவே?"

எனவும்,

²"பண்டுநாம், வேறல்ல மென்பதொன் றுண்டா லவனொடு
மாறுண்டோ நெஞ்சே நமக்கு"

எனவும் வரும்.

வறிதுநகை தோற்றற்குச் செய்யுள்:

³"எறிதே னலம்புஞ் சிலம்பினெப் போது மிரந்திவள்பின்
வறிதே திரிந்து மெலிந்தன நாமுள்ள மெல்லியற்குப்
பிறிதேகொ லென்னும் பெருந்தகை தேறப் பெரிதுயிர்த்து
வறிதே முறுவல்செய் தாடஞ்சை வாணன் வரையணங்கே"

எனவும்,

⁴"அன்னையோ, மன்றத்துக் கண்டாங்கே சான்றார் மகளிரை
யின்றி யமையேனென் றின்னவுஞ் சொல்லுவாய்"

எனவும் வரும்.

முறுவற்குறிப்புணர்தற்குச் செய்யுள்:

எனவும்,

⁶"முகைமொக்கு ளுள்ளது நாற்றம்போற் பேதை
நகைமொக்கு ளுள்ளதொன் றுண்டு"

எனவும் வரும்.

1. த. கோ. செ: 14.

2. கலி. மு. செ: 26.

3. த. கோ. செ: 15.

4. கலி. மு. செ: 10.

5. த. கோ. செ: 16.

6. திருக்குறள், செ: 1274.