தற்குரியவாம்; வழிபாடு மறுத்தலாய ஒன்றுந் தலைமகள் மறுத்தற்குரித்தாம்; மறுத்தெதிர் கோடலும் வறிதுநகை தோற்றலும் என்னுமிரண்டுந் தலைமகள் உடன்பாட்டிற்குரியவாம்: முறுவற் குறிப்புணர்தலும் முயங்குதலுறுத்தலும் தலைமகள் உடன்பாட்டிற்குரியவாம்; புணர்ச்சியின் மகிழ்தலும் புகழ்தலும் என்னும் இரண்டுந் தலைமகன் கூட்டத்திற்குரியவாம். 'பிறவும்' என்றதனால் ¹அணிதலும் கொள்ளப்படும். இலக்கியம் மேலே காட்டப்படும்.

(11)

2. வன்புறை

வன்புறையின் வகை

128. ஐயந் தீர்த்தல் பிரிவறி வுறுத்தலென்
றெய்திய வன்புறை யிருவகைத் தாகும்.

(இ - ம்.) வன்புறையின் வகை உணர்த்துதல் நுதலிற்று.

(இ - ள்.) மேற்சொல்லப்பட்ட வன்புறை ஐயந்தீர்த்தலும் பிரிவறிவுறுத்தலும் என இரண்டு கூற்றினையுடைத்தாம் என்றவாறு.

இக்கிளவி²"தீராத்தேற்றம்" என்பதனாற் கொள்ளப்படும்.

(12)

வன்புறையின் விரி

129. அணிந்துழி நாணிய துணர்ந்துதெளி வித்தலும்
பெருநயப் புரைத்தலும் தெய்வத்திறம் பேசலும்
பிரியே னென்றலும் பிரிந்துவரு கென்றலும்
இடமணித் தென்றலும் என்றிவை யாறும்
மடனறத் தெரிந்த வன்புறை விரியே.

(இ - ம்.) வன்புறையின் விரி உணர்த்துதல் நுதலிற்று.

(இ - ள்.) அணிந்துழி நாணியது உணர்ந்து தெளிவித்தல் முதலாக இடமணித்தென்றல் ஈறாகச் சொல்லப்பட்ட ஆறும் தலைமகன் தலைமகளது அறிவின்மை நீங்க ஆராய்ந்து சொன்ன வன்புறையின் விரியாம் என்றவாறு.

வன்புறுத்தலான் வன்புறை என்று பெயராயிற்று. அவற்றுள் அணிந்துழி நாணியது உணர்ந்து தெளிவித்தற்குச் செய்யுள்:

³"நாவியுங் காரகி லாவியுந் தோய்குழ னாணியஞ்சேல்
வாவியுஞ் சோலையுஞ் சூழ்தஞ்சை வாணன்றென் மாறைவயற்

(பாடம்) 1. ஏற்புற வணிதலும்.

2. தொல். பொருள். களவியல் சூ: 11.

3. த. கோ. செ: 2.