காவியுஞ் சேலுங் கமலமுங் காட்டுநின் கண்மலரும்
ஆவியும் போலினி யாரணி யாக வணிந்தனனே"

என வரும். அணிந்துழி நாணியது உணர்ந்து தெளிவித்தற்கு விதி யாதோ வெனின்?

¹"முன்புற் றறியா முதற்புணர்ச்சி மொய்குழலை
யின்புற் றணிந்த வியலணியும்-வன்பணியு
நாணேனுந் தொல்லை யணியென்ன நன்னுதலை
........னந்து"

என்னும் பரிபாட்டினுட் செய்யுளாம் எனக் கொள்க.

பெருநயப் புரைத்தற்குச் செய்யுள்:

²"மன்னா வுலகத்து மன்னிய சீர்த்தஞ்சை வாணன்வெற்பில்
என்னாவி யன்ன விவளிடை மேலிணை கொண்டெழுந்த
பொன்னா ணணிகொங்கை போலவண் டீருங்கள் பொய்கையுண்டோ
நன்னா ளரும்பொரு தாளிரண் டீனு நளினங்களே"

எனவும்,

³"கொங்குதேர் வாழ்க்கை யஞ்சிறைத் தும்பி
காமஞ் செப்பாது கண்டது மொழிமோ
பயிலியது கெழீஇய நட்பின் மயிலியற்
செறியெயிற் றரிவை கூந்தலின்
நறியவு முளவோ நீ யறியும் பூவே"

எனவும் வரும்.

தெய்வத்திறம் பேசற்குச் செய்யுள்:

⁴"மன்னிய பார்புகழ் வாணன் றென்மாறையின் மாந்தளிர்போன்
மின்னிய மாமை விளர்ப்பதென் னேவிதி கூட்டநம்மிற்
பின்னிய காதல் பிரிப்பவர் யாரினிப் பேரருவி
இன்னிய மாக விளமயி லாடு மிரும்பொழிற்கே"

என வரும்.

பிரியேனென்றற்குச் செய்யுள்:

⁵"வண்கொடி யேய்மதின் மாறைவரோதயன் வாணனொன்னார்
எண்கொடி யேனெய்த விவ்வண்ண நீயிரங் கேலிரங்கேல்
நுண்கொடி யேரிடை வண்டிமிர் பூங்குழ னூபுரத்தாட்
பெண்கொடி யேபிரி யேன்றரி யேனிற் பிரியினுமே"

எனவும்.

1. பரிபாடல், பக்கம்: 173.

2. த. கோ. செ: 21.

3. குறு. செ: 2.

4. த. கோ. செ: 22.

5. த. கோ. செ: 23.