முகிலேந்து பூம்பொழில் சூழ்தஞ்சை வாணன்முந்
நீர்த்துறைவாய்
நகிலேந்து பூங்கொடி போற்செல்லு மானெஞ்ச
நம் முயிரே"

எனவும்,

¹"காணா மரபிற் றுயிரென மொழிவோர்
நாணிலர் மன்ற பொய்ம்மொழிந் தனரே
யாஅங் காண்டுமெம் மரும்பெற லுயிரே
சொல்லு மாடு மென்மெல வியலுங்
கணைக்கா னுணுகிய நுசுப்பின்
மழைக்கண் மாதர் பணைப்பெருந் தோட்டே"

எனவும் வரும்.

பாகனொடு சொல்லற்குச் செய்யுள்:

என வரும் இவையிரண்டற்கும் இலக்கணவிதி இவையாகக் கொள்க.

(15)

5. பிரிவுழிக் கலங்கல்

பிரிவுழிக் கலங்கலின் வகை.

132. மருளுற் றுரைத்தல் தெருளுற் றுரைத்தலென்
றிருவகைத் தாகும் பிரிவுழிக் கலங்கல்.

(இ - ம்.) பிரிவுழிக் கலங்கலின் வகை உணர்த்துதல் நுதலிற்று.

(இ - ள்.) மருளுற்றுரைத்தலும், தெருளுற்றுரைத்தலுமென இரண்டு வகையினை யுடைத்தாம் பிரிவுழிக் கலங்கல் என்றவாறு.

1. தொல், பொருள், களவியல், 10ஆம் சூத்திரவுரையின் மேற்கோள்.

2. த. கோ. செ: 28.