பாங்கன் கிழவோற் பழித்தற்குச் செய்யுள் :

¹"சூரார் சிலம்பிற் சிலம்பிமென் னூல்கொண்டு சுற்றவெற்றிப்
போரார் களிறு புலம்பிநைந் தாங்கொரு பூவைகொங்கை
வாரா லணைப்ப வருந்தினை நீதஞ்சை வாணன்வெற்பா
வோராழி சூழுல கத்தெவ ரேநின்னை யொப்பவரே"

எனவும்,

²"காமங் காம மென்ப காமம்
அணங்கும் பிணியு மன்றே நினைப்பின்
முதுசுவற் கலித்த முற்றா விளம்புல்
மூதா தைவந் தாங்கு
விருந்தே காமம் பெருந்தோ ளோயே"

எனவும் வரும்.

கிழவோன் வேட்கை தாங்கற்கருமை சாற்றற்குச் செய்யுள் :

என வரும்.

பாங்கன் தன்மனத் தழுங்கற்குச் செய்யுள் :

⁴"சீதள வாரங் கமழ்தஞ்சை வாணன்றென் மாறையன்னாள்
காதள வாவெங் கடுவள வாவொளிர் காவியந்தண்
போதள வாவிழி யென்னுமென் னாசைப் புறத்தளவா
சூதள வாமுலை யென்னுமென் னாமினிச் சொல்லுவதே"

என வரும்.

பாங்கன் தலைவனோ டழுங்கற்குச் செய்யுள் :

⁵"என்மே லறைவ தியானிங்கு நின்செவிக் கென்சொலெல்லாம்
வன்மே லடர்கொங்கை காரண மாத்தஞ்சை வாணன்வெற்பா
கன்மே லறைகின்ற மென்முளை போலுங் கடல்வெதும்பிற்
றன்மேல் விளாவவுண் டோதரை மேலொரு தண்புனலே"

என வரும்.

1. த. கோ. செ : 44.

2. குறு. செ : 204.

3. த. கோ. செ. 45.

4. த. கோ. செ. 46.

5. த. கோ. செ. 47.