சூ. 339 : | மீன்என் கிளவி வல்லெழுத் துறழ்வே |
(44)
|
க - து : | மீன் என்னும் பெயர்க்குச் சிறப்புவிதி கூறுகின்றது.
|
பொருள் : மீன் என்னும் சொல் வல்லெழுத்துவரின் இயல்பும்
திரிபுமாக உறழ்ந்து வரும்.
|
எ. டு: மீன்கண் - மீற்கண்; மீன்செவி - மீற்செவி, தலை,
புறம் எனவரும். உடூவின் பெயராகிய விண்மீன் என்பதே முதற் குறையாய்
மீன் எனச் சிறுபான்மையாக வழங்கலின் அதற்கு இவ்விதி
பொருந்தாதென்க. அது மீன்கணம், மீன்செறிவு, தோற்றம், பொலிவு என
இயல்பாயே வரும்.
|
| சூ. 340 : | தேனென் கிளவி வல்லெழுத் தியையின் |
| மேனிலை ஒத்தலும் வல்லெழுத்து மிகுதலும் |
| ஆமுறை இரண்டும் உரிமையும் உடைத்தே |
| வல்லெழுத்து மிகுவழி இறுதி இல்லை |
(45)
|
க - து : | தேன் என்னும் சொல் வல்லெழுத்தொடு புணருமாறு
கூறுகின்றது.
|
பொருள் : தேன் என்னும் சொல், வல்லெழுத்து வந்து புணரின் மேற்
கூறியாங்கு உறழ்தலும், மிகுதலும் ஆகிய அம்முறை இரண்டும்
உரிமையுடையதாகும். அங்ஙனம் வல்லெழுத்து மிகுங்கால் னகர இறுதி
கெடும்.
|
எ. டு: தேன்குடம் - தேற்குடம் எனவரும். சாடி, தூதை, பானை என
ஒட்டிக் கொள்க. தேக்குழம்பு, சிதைவு, தெளிவு, பாளிதம் எனவரும்.
மிகுதலும் என்னும் உம்மை எதிர் மறை. அதனான் தேன்குழம்பு,
தேன்சிதைவு, தேன்துளி, தேன்பாகு என இயல்பாதலே வலியுடைத்தென்க.
|
சூ. 341 : | மெல்லெழுத்து மிகினும் மான மில்லை |
(46)
|
க - து : | தேன் என்னும் சொற்கு எய்தியதன்மேற் சிறப்புவிதி
கூறுகின்றது.
|
பொருள் : தேன் என்னும் சொல் வல்லெழுத்து இயையின்
மிகுதலேயன்றி மெல்லெழுத்து மிக்குப்புணரினும் குற்றமில்லை.
|
எ.டு : தேங்குழம்பு, தேஞ்சாடி, தூதை, பானை எனவரும். னகரக்கேடு
அதிகாரத்தாற் கொள்க.
|
சூ. 342 : | மெல்லெழுத் தியையின் மிகுதியொடு உறழும் |
(47)
|
க-து : | அது மெல்லெழுத்தொடு புணருமாறு கூறுகின்றது. |