நுனியை  இரண்டிற்கும்  கூட்டுக. ட ண  என  இவற்றின்  வேறுபாடு
உணர்க.
  

92.

இது மேலனவற்றிற்கோர் ஐயம் அகற்றியது.
 

இதன் பொருள்: அவ்வாறெழுத்தும்   மூவகைப்    பிறப்பின - அக்
கூறப்பட்ட ஆறெழுத்தும் மூவகையாகிய பிறப்பினை உடைய என்றவாறு.
 

எனவே,  அவை ககாரம் முதல்நாவினும் ஙகாரம் முதல் அண்ணத்தினும்
பிறக்குமென்று இவ்வாறே ¹நிரனிறை   வகையான்   அறுவகைப்  பிறப்பின்
அல்ல என்றார்.
 

93.

இது மெய்களுட் சிலவற்றிற்குப் பிறவி கூறுகின்றது.
 

இதன் பொருள்: அண்ணம்   நண்ணிய    பல்முதல்   மருங்கில் -
அண்ணத்தைச்  சேர்ந்த  பல்லினதடியாகிய   இடத்தே,  நா  நுனி பரந்து
மெய்யுற  ஒற்ற - நாவினது   நுனி  பரந்து   சென்று  தன்வடிவு  மிகவும்
உறும்படி  சேர,   தகார   நகாரந்   தாம்   இனிது   பிறக்கும் -  தகார
நகாரம் என்றவை தாம் இனிதாகப் பிறக்கும் என்றவாறு.
 

த ந என இவற்றின் வேறுபாடு உணர்க. முன்னர்  உறுப்புற்று  அமைய
என்று  கூறி, ஈண்டு ²மெய்யுற  ஒற்ற  என்றார். ³சிறிது ஒற்றவும் வருடவும்
பிறப்பன உளவாகலின்.
 

(11)

1. நிரனிறை  வகையா  னறுவகைப்  பிறப்பின  அல்ல  என்றது, 'சகார
ஞகார  மிடைநா   வண்ணம்'  என்புழிச்   சகர   மிடைநாவிலும்   ஞகர
மிடையண்ணத்திலும்   என்று    நிரனிறையாகக்    கொள்ள  அறுவகைப்
பிறப்பினவாம் ; அங்ஙனம் அல்ல என்றபடி.
 

2. மெய்யுற ஒற்ற என்றது அழுந்த ஒற்ற என்றபடி.
 

3. சிறிது  ஒற்றப்  பிறப்பன  றகரம்   னகரம்  லகரம்  என்பன. சிறிது
வருடப் பிறப்பன ளகார ரகார ழகாரங்கள்.