4. புணரியல்
 

103.

இச்   சூத்திரம்   என்னுதலிற்றோ   வெனின்,   மொழிமரபிற்  கூறிய
மொழிக்கு  முதலாமெழுத்தும்  மொழிக்கு  ஈறா   மெழுத்தும்  இத்துணை
யென்றலும், எல்லா மொழிக்கும்  ஈறும்  முதலும்  மெய்யும்  உயிருமல்லது
இல்லையென்று  வரையறுத்தலும், ²ஈறும் முதலுமாக  எழுத்து  நாற்பத்தாறு
உளவோவென்று ஐயுற்றார்க்கு  எழுத்து  முப்பத்து  மூன்றுமே  அங்ஙனம்
ஈறும் முதலுமாய் நிற்பதென்று ஐயமறுத்தலும் நுதலிற்று.
 

இதன் பொருள்: முதல்   இரண்டு   தலையிட்ட    இருபஃது   ஈறு
அறுநான்காகும்  மூன்று  தலையிட்ட முப்பதிற்றெழுத்தினொடு - மொழிக்கு
முதலாமெழுத்து  இரண்டை  முடியிலே  யிட்ட   இருபஃதும்   மொழிக்கு
ஈறாமெழுத்து   இருபத்துநான்குமாகின்ற    மூன்றை    முடியிலே  யிட்ட
முப்பதாகிய  எழுத்துக்களோடே, நெறிநின்று இயலும் எல்லா மொழிக்கும் -
வழக்கு நெறிக்கணின்று நடக்கும் ³மூவகை மொழிக்கும்,

1. செய்கை     ஓத்தென்றது       பின்வரும்    தொகைமரபினையும்
உயிர்மயங்கியன்    முதலிய     மூன்றியல்களையும்     நூன்மரபு 1 - ம்
சூத்திர விரிவுரை நோக்கி யறிக. ஈண்டு - இப் புணரியலில்.
 

2. ஈறு -  மொழிக்கு    ஈற்றில்     வருமெழுத்து.   முதல் - முதலில்
வருமெழுத்து.
 

3. மூவகைமொழி -   ஓரெழுத்   தொருமொழி,  ஈரெழுத்தொருமொழி,
இரண்டிறந்திசைக்கும் தொடர்மொழி.