அக்கு  ஈறுதிரியுமேனும்  உருபுபுணர்ச்சிக்கண்   வாராமையின்  அதன்பின்
வைத்தார்.   இக்கு   முதல்திரியுமேனுஞ்    சிறுபான்மைபற்றி  அதன்பின்
வைத்தார். அன் இன் போலச் சிறத்தலிற் பின்வைத்தார்.
 

ஆனுருபிற்கும்  ஆன்சாரியைக்கும்  இன்னுருபிற்கும்  இன்சாரியைக்கும்
வேற்றுமை  யாதெனின், அவை   சாரியையான   இடத்து  யாதானும்  ஓர்
உருபேற்று முடியும்;  உருபாயின இடத்து வேறோர் உருபினை ஏலாவென்று
உணர்க,   இனி   மகத்துக்கை   என்புழித்  தகரவொற்றுந்  தகரவுகரமும்
வருமென்று  கோடுமெனின். இருளத்துக்கொண்டானென்றால் அத்து எனவே
வேண்டுதலின் ஆண்டும்  அத்துநின்றே  கெட்டதென்று  கோடும்.  அக்கு
இக்கு  என்பனவும்  பிரித்துக்கூட்டக் கிடக்கும்.  தாழக்கோலென  அக்குப்
பெற்றுநிற்றலானும் ¹ஆடிக்கு  என்புழிக் குகரம்  நான்கனுருபாகாமையானும்
இவை சாரியையாமாறு உணர்க.
 

120.

இது முற்கூறியவற்றுள் இன்சாரியை முதல் திரியுமாறு கூறுகின்றது.
 

இதன் பொருள்:  அவற்றுள் - முற்கூறிய  சாரியைகளுள்,  இன்னின்
இகரம் - இன்சாரியையது இகரம், ஆவின் இறுதி  முன்னர் - ஆ  என்னும்
ஓரெழுத்தொருமொழி முன்னர், கெடுதல் உரித்துமாகும் -  கெட்டுமுடியவும்
பெறும் என்றவாறு.
 

உரித்துமாகு மென்றதனாற்  கெடாது முடியவும் பெறுமென்றவாறு. இஃது
ஒப்பக் கூறலென்னும் உத்தி.
 

உதாரணம் : ஆனை  ஆவினை   ஆனொடு   ஆவினொடு  ஆற்கு
ஆவிற்கு ஆனின்  ஆவினின்  ஆனது  ஆவினது ஆன்கண் ஆவின்கண்
எனவரும். 

1. ஆடிக்கு  என்புழி   இக்கு   சாரியை.   இவ்வியல்  24-ம்  சூத்திர
நோக்கியறிக.