125. | அத்தி னகர மகரமுனை யில்லை. |
| |
இஃது அத்து முதல் திரியுமாறு கூறுகின்றது.
|
இதன் பொருள்: அத்தின் அகரம் - அத்துச்சாரியையின் அகரம்,
அகரமுனை இல்லை - அகர ஈற்றுச் சொன்முன்னர் இல்லையாம்
என்றவாறு.
|
'அத்தவண் வரினும் வரைநிலை யின்றே' (எழு - 219) என்பதனான்
மகப்பெயர் அத்துப்பெற்று நின்றது. மகத்துக்கையென அகரங்கெட்டு
நின்றது. விளவத்துக்கண்ணென் புழிக் கெடாதுநிற்றல் 'அத்தே வற்றே'
(எழு - 133) என்பதனுள் 'தெற்றென் றற்றே' என்பதனாற் கூறுப.
|
(23)
|
126. | இக்கி னிகர மிகரமுனை யற்றே. |
| |
இஃது இக்கு முதல் திரியுமாறு கூறுகின்றது.
|
இதன் பொருள்: இக்கின் இகரம் - இக்குச் சாரியையினது இகரம்,
இகரமுனை அற்று - இகரஈற்றுச்சொன் முன்னர் முற்கூறிய அத்துப்போலக்
கெடும் என்றவாறு.
|
'திங்கண் முன்வரின்' (எழு - 248) என்பதனாற்பெற்ற இக்கு
ஆடிக்குக்கொண்டான் சென்றான் தந்தான் போயினான் என இகரங்கெட்டு
நின்றது. இஃது இடப்பொருட்டு.
|
(24)
|
127. | ஐயின் முன்னரு மவ்விய னிலையும். |
| |
இதுவும் அது.
|
இதன் பொருள்: ஐயின் முன்னரும் அவ்வியல் நிலையும் - இக்கின்
இகரம் இகர ஈற்றுச் சொன்முன்னரன்றி ஐகார ஈற்றுச் சொன்முன்னரும்
மேற்கூறிய கெடுதலியல்பிலே நிற்கும் என்றவாறு.
|
'திங்களு நாளு முந்துகிளந் தன்ன' (எழு - 286) என்பதனாற்
சித்திரைக்குக் கொண்டான் என்புழிப்பெற்ற இக்கு ஐகாரத்தின் முன்னர்க்
கெட்டவாறு காண்க.
|
(25) |