இதன் பொருள்: ஆவயினான - அல்வழிக்கண்   அங்ஙனந் திரியாது
நின்ற     அவ்வொற்றுக்கள்,     வேற்றுமைக்கண்ணும்  -   வேற்றுமைப்
பொருட்புணர்ச்சி  யிடத்தும்,   வல்லெழுத்   தல்   வழி  மேற்கூறியற்கை
- வல்லெழுத்தல்லாத இடத்து மேற் கூறிய இயல்பு முடிபாம் என்றவாறு.
 

எனவே, வல்லெழுத்து வந்துழித் திரியுமென்றாராயிற்று.
 

உதாரணம் : மண்   பொன்   என    நிறுத்தி,    ஞெகிழ்ச்சி  நீட்சி
மாட்சி யாப்பு வன்மை நுந்தையது அழகு ஆக்கம் இன்மை   என  ஏற்பன
கொணர்ந்து  ஒட்டுக.  இதுவுஞ்  ¹செய்கைச்   சூத்திரம்.   மேல்   நான்கு
சூத்திரத்தாற் கூறியன வல்லெழுத்து வந்துழித்  திரியுமாறு  தத்தம்  ஈற்றுட்
கூறுப.
 

149.

இது புள்ளிமயங்கியலை நோக்கியதோர் வருமொழிக்கருவி கூறுகின்றது.
 

இதன் பொருள்: ல  ன   என   வரூஉம்   புள்ளிமுன்னர் - லகார
னகாரமென்று  சொல்லவருகின்ற புள்ளிகளின் முன்னர், த ந என வரின் -
தகாரமும்  நகாரமும் முதலென்று சொல்லும்படியாகச் சில சொற்கள் வரின்,
றனவாகும்  -  நிரனிறையானே  அவை  றகார   னகாரங்களாகத்  திரியும்
என்றவாறு.
 

உதாரணம் : கஃறீது கன்னன்று  பொன்றீது  பொன்னன்று என வரும்.
நிலைமொழித்திரிபு தத்தம் ஈற்றுட் கூறுப.
 

150.

இதுவும் அது.
 

இதன் பொருள்: ணளவென்   புள்ளிமுன் - ணகார   ளகார மென்று
சொல்லப்படும் புள்ளிகளின்  முன்னர்  அதிகாரத்தால்  தகார  நகாரங்கள்
வருமெனின்,  டணவெனத்   தோன்றும்  - அவை  நிரனிறையானே டகார
ணகாரங்களாத் திரிந்து தோன்றும் என்றவாறு.

1. செய்கை - புணர்ச்சி ; கருவிச் சூத்திரமன்று என்றபடி.