152.

இஃது  எய்தியது   விலக்கிற்று,  முற்கூறியவற்றுட் சில ஆகாதனவற்றை
வரைந்து உணர்த்தலின்.
 

இதன் பொருள்: ஒளவென வரூஉம்  உயிரிறு சொல்லும் - ஒளவென
வருகின்ற   உயிரீற்றுச்   சொல்லும்,  ஞநமவ   என்னும்  புள்ளியிறுதியும்
- ஞநமவ     என்று      சொல்லப்படும்     புள்ளியீற்றுச்   சொல்லும்,
குற்றியலுகரத்து இறுதியும் - குற்றியலுகரத்தை இறுதியிலேயுடைய சொல்லும்,
முன்னிலை மொழிக்கு உளப்பட முற்றத் தோன்றா -  முன்னர்  முன்னிலை
மொழிக்குப் பொருந்தக் கூறிய இயல்பும் உறழ்ச்சியுமாகிய முடிபிற்கு முற்றத்
தோன்றா என்றவாறு.
 

முற்றவென்றதனான்   நிலைமொழி   உகரம்பெற்று  உறழ்ந்து  முடிதல்
கொள்க.
 

உதாரணம் : கௌவுகொற்றா     கௌவுக்கொற்றா,   வௌவுகொற்றா
வௌவுக்கொற்றா,   உரிஞுகொற்றா    உரிஞுக்கொற்றா,   பொருநுகொற்றா
பொருநுக்கொற்றா,   திருமுகொற்றா    திருமுக்கொற்றா,   தெவ்வுகொற்றா
தெவ்வுக்கொற்றா, ¹கூட்டுக்கொற்றா கூட்டுக்கொற்றா என வரும்.
 

153.

இஃது   உயர்திணைப்பெயர்   வன்கணம்   மென்கணம் இடைக்கணம்
உயிர்க்கண மென்னும்   நான்கு   கணத்தினும்   இருவழியும்   முடியுமாறு
கூறுகின்றது.
 

இதன்  பொருள்: உயிரீறாகிய   உயர்திணைப்பெயரும்  -  உயிரீறாய்
வந்த உயர்திணைப் பெயர்களும்,  புள்ளியிறுதி   உயர்திணைப்   பெயரும்
- புள்ளியீற்றினையுடைய உயர்திணைப்
 

1. குற்றியலுகரத்திறுதி.