இதன் பொருள்: கலமென்  அளவே - கலமென்னும்  அளவுப்பெயர்
குறையோடு  புணருமிடத்து,  அத்துஇடை  வரூஉம்  -  அத்துச்  சாரியை
இடைவந்து புணரும் என்றவாறு.
 

கலத்துக்குறை.  இதனை  'அத்தே வற்றே'  (எழு - 133)  என்பதனான்
முடிக்க.   இதற்குக்   கலமுங்   குறையுமென்பது    பொருள்.   சாரியை
முற்கூறியவதனானே, முன் இன்சாரியை பெற்றவழி வல்லெழுத்து வீழ்க்க.
 

169.

இதுவும் அது, வேற்றுமைவிதி விலக்கி இன் வகுத்தலின்.
 

இதன் பொருள்: பனையென்   அளவுங்    காவென்    நிறையும் -
பனையென்னும்    அளவுப்பெயருங்      காவென்னும்   நிறைய்பெயருங்
குறையென்பதனோடு புணருமிடத்து, நினையுங்காலை இன்னொடு சிவணும் -
ஆராயுங்காலத்து இன்சாரியை பெற்றுப் புணரும் என்றவாறு.
 

¹பனையின்குறை காவின்குறை என வரும். இவையும்  உம்மைத்தொகை.
நினையுங்காலை  யென்பதனான்    வேற்றுமைக்கு    உரிய   விதியெய்தி
வல்லெழுத்துப் பெறுதலுஞ் சிறுபான்மை கொள்க.  பனைக்குறை  காக்குறை
என வரும்.
 

இத்துணையும்   அல்வழிமுடிபு.   இவற்றை  'வேற்றுமையல்வழி  இஐ'
(எழு -  158) என்னுஞ் சூத்திரத்திற் கூறாது வேறோதினார், இவை அளவும்
நிறையும் எண்ணுமாதலின்.
 

170.

இது   முற்கூறிய   மூன்றனுள்   அளவிற்கும்   நிறைக்கும் மொழிக்கு
முதலாமெழுத்து இனைத்தென்கின்றது.
 

இதன் பொருள்: அளவிற்கும்     நிறையிற்கும்      மொழிமுதலாகி
உளவெனப்பட்ட ஒன்பதிற்றெழுத்தே - அளவுப்

1. இன்னும்  ஒரு  பனைப்  பொழுது  நிற்கிறது   என்பதனான்  பனை
அளவுப்பெயராதல் பெறப்படும்.