190.

இஃது எய்தியது விலக்கிப் பிறிதுவிதி வகுக்கின்றது.
 

இதன் பொருள் :உயர்திணையாயின் - எல்லாமென நின்ற மகர ஈற்று
விரவுப்பெயர்    உயர்திணைப்   பெயராமெனின்,    நம்   இடைவரும் -
நம்மென்னுஞ் சாரியை இடைநின்று புணரும் என்றவாறு.
 

மகர   ஈற்றினை  மேல்   வற்றின்மிசை     யொற்றெனக்    கெடுத்த
அதிகாரத்தாற்      கெடுக்க.     ¹எல்லாநம்மையும்      எல்லாநம்மினும்
எல்லாநங்கணும்       என      உகரம்பெற்றும்      எல்லாநம்மொடும்
எல்லாநமக்கும் எல்லாநமதும்    என   உகரங்  கெட்டும்  மகரம் நிற்கும்.
இவற்றிற்கு  எல்லாரையும்  எல்லாரொடும்  என்பது  பொருளாக  ஒட்டுக.
இதற்கு  நம்முவகுத்ததே  வேறுபாடு.  ஈறாகு  புள்ளி அகரமொடு  நிற்றல்
(எழு - 161) நான்காவதற்கும் ஆறாவதற்குங் கொள்க.
 

191.

இது மகர ஈற்று உயர்திணைப் பெயர்க்கு முடிபு கூறுகின்றது.
 

இதன் பொருள் :எல்லாருமென்னும்           படர்க்கையிறுதியும் -
எல்லாருமென்னும்   மகர  ஈற்று   உயர்திணைப்  படர்க்கைப்  பெயரும்,
எல்லீருமென்னும்  முன்னிலையிறுதியும்  -  எல்லீருமென்னும்  மகர  ஈற்று
உயர்திணை முன்னிலைப்பெயரும், ஒற்றும் உகரமுங்  கெடுமென மொழிப -
மகர வொற்றும் அதன்

1. நம்மையும் என்ற   இடத்தில்  உம்மில்  உகரங்  கெடாது   பெற்று
நின்றது.   நம்மொடும்     என்ற    இடத்தில்   உம்மில்   உகரங்கெட்டு
மகரம் நின்றது என்பது கருத்து.