பகரவொற்றை  நிறுத்தி  ஆன்சாரியை  கொடுத்து  ஒருபானை இருபானை
என எல்லா எண்ணொடும் எல்லா  உருபினையுஞ் செய்கை யறிந்து ஒட்டுக.
உம்மை    எதிர்மறையாதலின்     ஒருபஃதனை    இருபஃதனை    என
எல்லாவற்றோடும் ஒட்டுக.
 

சொல்லுங்காலை  என்றதனாற்  பத்தூர்   கிளவியேயன்றி   ¹'ஒன்பான்
முதனிலை'  (எழு - 463)   'ஒன்பாற்  கொற்றிடைமிகுமே'  (எழு -  475)
என்றாற்போல    வருவனவற்றின்கண்ணும்   பகரத்துள்    அகரம்பிரித்து
அஃதென்பது கெடுத்து ஆன் கொடுக்க.
 

(27)
 

200.

இஃது  எண்ணுப்பெயரல்லாத  குற்றுகர   ஈற்றுட்  சிலவற்றிற்கு  முடிபு
கூறுகின்றது.
 

இதன் பொருள் :  யாது  என் இறுதியும்  -  யாதென வருங் குற்றுகர
ஈறும், சுட்டுமுதலாகிய ஆய்த இறுதியும் - சுட்டெழுத்தினை முதலாகவுடைய
ஆய்தத்   தொடர்மொழிக்   குற்றுகர   ஈறும்,  அன்னொடு   சிவணும் -
அன்சாரியையோடு  பொருந்தும்,  ஆவயின்  ஆன  ஆய்தங்  கெடுதல் -
அவ்விடத்து வந்த ஆய்தங் கெடும் என்றவாறு.
 

யாதனை யாதனொடு எனவும், அதனை அதனொடு, இதனை இதனொடு,
உதனை உதனொடு எனவும் வரும்.
 

201.

இதுவுங் குற்றுகர ஈற்றுட் சிலவற்றிற்கு ஏழனுருபோடு முடிபு கூறுகின்றது.
 

இதன் பொருள் :  திசைப்பெயர்     முன்னர்    ஏழனுருபிற்கு    -
திசைப்பெயர்களின்  முன்னர்   வந்த  கண்ணென்னும்   உருபிற்கு  முடிபு
கூறுங்கால்,   சாரியைக்   கிளவி    இயற்கையுமாகும்  -   முன்   கூறிய
இன்சாரியையாகிய சொல் நின்று முடிதலே

1. 'ஒன்பான்  முதனிலை'  என்பது,   ஒன்பஃது   ஆன்   பெற்றதற்கு
உதாரணம். ஏனையவுமன்ன.