இதன் பொருள் :அன்ன என்னும் உவமக் கிளவியும் - அன்ன என்று
சொல்லப்படும் உவமவுருபாகிய அகர ஈற்று இடைச்சொல்லும், அண்மை
சுட்டிய விளிநிலைக் கிளவியும் - அணியாரைக் கருதின விளியாகிய
நிலைமையினையுடைய அகர ஈற்று உயர்திணைப் பெயர்ச்சொல்லும்,
செய்ம்மன என்னுந் தொழிலிற சொல்லும் - செய்ம்மன என்று
சொல்லப்படுந் தொழிற்சொற் பொருள் தருங்கால் உம் ஈற்றான்
இறுஞ்சொல்லும், ஏவல் கண்ணிய வியங்கோட் கிளவியும் - ஒருவ
நான் ஏவற்றொழின்மை கருதிக் கூறப்பட்ட ஏவற்பொருண்மையை முற்ற
முடித்தலை உணர்த்தும் அகர ஈற்று வினைச்சொல்லும், செய்த என்னும்
பெயரெஞ்சு கிளவியும் - செய்த என்று சொல்லப்படும் பெயரெச்சமாகிய
அகர ஈற்று வினைச்சொல்லும், செய்யிய என்னும் வினையெஞ்சு கிளவியும்
- செய்யிய என்று சொல்லப்படுகின்ற வினையெச்சமாகிய அகர ஈற்று
வினைச்சொல்லும், அம்ம என்றும் உரைப்பொருட் கிளவியும் - அம்ம
என்று சொல்லப்படும் எதிர்முகமாக்கிய அகர ஈற்று இடைச்சொல்லும்,
பலவற்று இறுதிப் பெயர்க்கொடை உளப்பட - பன்மைப் பொருளை
உணர்த்தும் அகர ஈற்றுப் பெயர்கள் ஐந்தினையும் முற்கூறியவற்றோடு
கூட்டிக்கொடுத்தல் உள்ளிட்டு, அன்றி அனைத்தும் இயல்பென மொழிப
- அவ் வெட்டுச் சொல்லும் இயல்பாய் முடியுமென்று கூறுவர் ஆசிரியர்
என்றவாறு.
|