சாரியை பொருட்கட் சென்றுழி இயைபு வல்லெழுத்து வீழ்க்க. கடுவின்குறை
ஒடுவின்குறை   எழுவின்புறம்   கொழுவின்கூர்மை  என  வரும். இன்னும்
இதனானே உதுக்காண் என்றவழி வல்லெழுத்து மிகுதலுங் கொள்க.
 

264.

இது  நிறுத்த   முறையானே   ஊகார   ஈறு  அல்வழிக்கட்புணருமாறு
கூறுகின்றது.
 

இதன் பொருள் : ஊகார   இறுதி   ஆகார   இயற்று  -   ஊகார
ஈற்றுப்பெயர்  அல்வழிக்கண் ஆகார   ஈற்று  அல்வழியின்  இயல்பிற்றாய்
வல்லெழுத்து வந்துழி அவ் வல்லெழுத்து மிக்கு முடியும் என்றவாறு.
 

உதாரணம் : தழூஉக்கடிது  கொண்மூக்கடிது சிறிது  தீது பெரிது  என வரும்.
 

265.

இஃது    இவ்வீற்று    வினையெச்சத்திற்கு    மிக்குமுடியுமென்றலின்,
எய்தாததெய்துவித்ததூஉம்   முன்னிலை வினைக்கு   இயல்பும்   உறழ்பும்
மாற்றுதலின் எய்தியது விலக்கியதூஉம் நுதலிற்று.
 

இதன் பொருள் :  வினையெஞ்சு  கிளவிக்கும்   -   ஊகார   ஈற்று
வினையெச்சமாகிய சொற்கும், முன்னிலை   மொழிக்கும்   -   முன்னிலை
வினைச்சொற்கும்,     நினையுங்காலை    அவ்வகை     வரையார்    -
ஆராயுங்காலத்து அவ்  வல்லெழுத்து  மிக்கு   முடியுங் கூற்றினை நீக்கார்
என்றவாறு.
 

உதாரணம் :உண்ணூக்கொண்டான்  சென்றான்  தந்தான் போயினான்
எனவும், கைதூக்கொற்றா சாத்தா தேவா பூதா எனவும் வரும்.
 

நினையுங்காலை  என்றதனான்   இவ்வீற்று   உயர்திணைப்பெயர்க்கும்
அல்வழிக்கண்   வல்லெழுத்துக்    கொடுத்து   முடிக்க.  ஆடூஉக்குறியன்
மகடூஉக்குறியள் என வரும். உயர்திணைப் பெயர்