293.

இஃது  எய்தியது விலக்கிற்று.  என்னை ?  முன்னர் வன்கணம் வந்துழி
ஒகரம் பெறுகவென  வரைந்த கூறாதும் நிலைமொழித்தொழில் வரையாதுங்
கூறலின் நான்கு கணத்துக் கண்ணுஞ் சேறலின்.
 

இதன் பொருள் :  இல்லொடு   கிளப்பின்  இயற்கையாகும்  - ஓகார
ஈற்றுக்  கோ  வென்னும்   மொழியினை  இல்லென்னும்  வருமொழியோடு
சொல்லின் ஒகரம் மிகாது இயல்பாய் முடியும் என்றவாறு.
 

உதாரணம் : ¹கோவில்   என   வரும்.   கோவென்றது உயர்திணைப்
பெயரன்றோவெனின்,    கோவந்ததென்று   அஃறிணையாய்    முடிதலின்
அஃறிணையாய் முடிதலின் அஃறிணைப்பாற்பட்டதென்க.
 

294.

இது  வல்லெழுத்து  விலக்கிச் சாரியை வகுத்தலின் எய்தியது விலக்கிப்
பிறிதுவிதி வகுத்தது.
 

இதன் பொருள் :உருபியல் நிலையும் மொழியுமாருள - ஓகார ஈற்றுச்
சிலபொருட்புணர்ச்சிக்கண்   உருபு  புணர்ச்சியது  இயல்பிலேநின்று  ஒன்
சாரியை  பெற்று  முடியும்  மொழிகளும்  உள,  ஆவயின்  வல்லெழுத்து
இயற்கையாகும்  -  அவ்விடத்து  வல்லெழுத்தின்றி   இயல்பாய்  முடியும்
என்றவாறு.
 

உதாரணம் :கோஒன்கை செவி தலை புறம் என வரும்.
 

²சாரியைப்பேறு   வருமொழி  வல்லெழுத்தை  விலக்காமை இதனானும்
பெற்றாம்.
 

(92)

1. கோ - அரசன். இல் - அரண்மனை. கோ  வந்தது என  அஃறிணை
வினையோடு       முடிதலின்       கோ        என்னுஞ்      சொல்
பொருளாலுயர்திணையாயினும் சொல்லா லஃறிணை யென்றபடி.
 

2. இதன்கண்  வல்லெழுத்து  இயற்கையாகுமென்று  ஆசிரியர் கூறலின்,
சாரியைப்பேறு வல்லெழுத்தை விலக்காமை இதனானும் பெற்றாம் என்றார்.