315.

இது மகர  ஈற்று  அல்வழிக்கண் இம்   மொழி   இம்  முடிபு  எய்துக
என்றலின் எய்தாத தெய்துவித்தது.
 

இதன் பொருள் :  அகம்  என்  கிளவிக்குக்   கைமுன்   வரின்   -
அகமென்னுஞ் சொல்லிற்குக்  கையென்னுஞ்சொல்  முன்னே   வருமாயின்,
முதனிலை ஒழிய முன்னவை கெடுதலும் - முன்னின்ற  அகரங்கெடாதுநிற்ப
அதன்    முன்னின்ற ககரமும்   மகர    வொற்றுங்   கெட்டு  முடிதலுங்
கெடாதுநின்று   முடிதலும்,   வரை  நிலை  இன்றே யாசிரி யர்க்க - நீக்கு
நிலைமையின்று   ஆசிரியர்க்கு, ஆவயின் ஆன மெல்லெழுத்து மிகுதல் -
அவை கெட்டவழி மெல்லெழுத்து மிக்குமுடியும் என்றவாறு.
 

உதாரணம் :அங்கை    என   வரும். அகங்கை   எனக்   கெடாது
முடிந்தவழி ¹'அல்வழியெல்லாம்'  (எழு - 314) என்றதனான்  மகரந் திரிந்து
முடிதல்    கொள்க.     இது      பண்புத்தொகை.    ²அதிகாரத்தானும்
பொருணோக்கானும் வேற்றுமைத்தொகை யன்மை உணர்க.
 

316.

இஃது   இலமென்பது   முற்றுவினைச்   சொல்லாகாது    குறிப்பாகிய
உரிச்சொல்லாய் நிற்குங்கால் அல்வழிக்கண் முடியுமாறு கூறுகின்றது.
 

இதன் பொருள் :இலம்  என்   கிளவிக்கு   -  இல்லாமையென்னும்
குறிப்பாகிய உரிச்சொற்கு, படு வருகாலை - உண்டாத

1. 'அல்வழியெல்லாம்' என்றது இதற்கு முதற் சூத்திரத்தை.
 

2. அதிகாரத்தானும் என்றது அல்வழி அதிகாரப்பட்டு நின்றமையை.
பொருள் என்றது உள்ளங்கையெனப் பொருள் தருதலை.