இதன் பொருள் : லகார இறுதி  னகார இயற்று - லகார ஈற்றுப்பெயர்
வன்கணம்  வந்துழி  னகார  ஈற்று   இயல்பிற்றாய்   லகரம்   றகரமாய்த்
திரிந்துமுடியும் என்றவாறு.
 

உதாரணம் : கற்குறை சிறை தலை  புறம் நெற்கதிர் சோறு தலை புறம்
என வரும். 
 

367.

இது னகாரமாமென்றலின் அவற்றிற்கு எய்தாத தெய்துவித்தது.
 

இதன் பொருள் : மெல்லெழுத்து இயையின் னகாரமாகும் - அவ் வீறு
மென்கணம் வந்து இயையின் னகாரமாகத் திரிந்து முடியும் என்றவாறு.
 

உதாரணம் : கன்ஞெரி நுனி முரி என வரும்.
 

இச்சூத்திரத்தினை   வேற்றுமை   யிறுதிக்கண்  அல்வழியது  எடுத்துக்
கோடற்கட்  சிங்கநோக்காக   வைத்தமையான்   அல்வழிக்கும்  இம்முடிபு
கொள்க. கன்ஞெரிந்தது நீண்டது மாண்டது என வரும். 
 

368.

இஃது அவ் வீற்று அல்வழிமுடிபு கூறுகின்றது.
 

இதன் பொருள் : அல்வழியெல்லாம்  உறழென மொழிப - இவ் வீற்று
அல்வழிகளெல்லாந்  தந்திரிபு  வல்லெழுத்தினோடு  உறழ்ந்துமுடியுமென்று
கூறுவர் புலவர் என்றவாறு.
 

உதாரணம் : கல்குறிது கற்குறிது சிறிது தீது பெரிது என வரும்.
 

எல்லாமென்றதனாற்  கல்குறுமை  கற்குறுமை  சிறுமை தீமை பெருமை
எனக் குணம்பற்றி வந்த வேற்றுமைக்கும் உறழ்ச்சி கொள்க.
 

இன்னும் இதனானே  வினைச்சொல்லீறு திரிந்தனவும் உருபுதிரிந்தனவுங்
கொள்க. வந்தானாற்கொற்றன் பொருவானாற்