போகான்    எனவும்.     ¹அத்தாற்கொண்டான்      இத்தாற்கொண்டான்
உத்தாற்கொண்டான் எத்தாற்கொண்டான் எனவும் வரும்.
 

²அக்காற்கொண்டான் என்றாற்போலப் பிறவும் முடிபு உள்ளனவெல்லாம்
இதனான் முடித்துக்கொள்க. 
 

369.

இது  லகரம்  றகரமாய்த்  திரிதலேயன்றி ஆய்தமாகத் திரியுமென்றலின்
எய்தியதன்மேற் சிறப்புவிதி கூறுகின்றது.
 

இதன் பொருள் : தகரம்  வருவழி  ஆய்தம்  நிலையலும்  -  தகரம்
முதலாகிய மொழி வந்தால் லகரம் றகரமாய்த்  திரிதலேயன்றி ஆய்தமாகத்
திரிந்துநிற்றலும்,  புகர்  இன்று என்மனார் புலமையோர் - குற்றமின்றென்று
சொல்லுவார் ஆசிரியர் என்றவாறு.
 

உதாரணம் : கஃறீது கற்றீது என வரும்.
 

புகரின்றென்றதனால் 'நெடியத னிறுதி' (எழு - 370) என்பதனுள் வேறீது
வேற்றீது என்னும் உறழ்ச்சி முடிபுங் கொள்க. 
 

370.

இஃது  'அல்வழி  யெல்லா  முறழ்'  (எழு - 368)  என்றதனை விலக்கி
இயல்பாக என்றலின் எய்தியது விலக்கிப் பிறிதுவிதி வகுத்தது.
 

இதன் பொருள் : நெடியதன் இறுதி இயல்புமாருள - நெட்டெழுத்தின்
ஈற்று  லகார  ஈறு  குறியதன்  இறுதிக்கண்  நின்ற லகாரம்போலத் திரிந்து
உறழ்தலேயன்றி இயல்பாய் முடிவனவும் உள என்றவாறு.

1. அதனால் என்பது அத்தால் என நின்றதுபோலும். ஏனையவுமன்ன.
 

2. அக்கால் - அப்பொழுது. இவற்றின் ஈறுகள் திரியும் என்றபடி.