உதாரணம் : பால்கடிது சிறிது  தீது  பெரிது என வரும். இயல்பாகாது
திரிந்தன வேல்கடிது வேற்கடிது என்றாற் போல்வன. 
 

371.

இஃது    அல்வழிக்கண்   உறழ்ந்துமுடிக    என்றதனை   வேற்றுமை
முடிபென்றலின் எய்தியது விலக்கிப் பிறிதுவிதி வகுத்தது.
 

இதன் பொருள் : நெல்லுஞ்    செல்லுங்   கொல்லுஞ்   சொல்லும் -
நெல்லென்னுஞ்  சொல்லுஞ்  செல்லென்னுஞ்  சொல்லுங்  கொல்லென்னுஞ்
சொல்லுஞ் சொல்லென்னுஞ் சொல்லுமாகிய இந் நான்கு சொல்லும், அல்லது
கிளப்பினும்  வேற்றுமை  இயல -  அல்வழியைச்  சொல்லுமிடத்துந்  தாம்
வேற்றுமை  முடிபின்  இயல்பிற்றாய்  லகரம்  றகரமாய்த்  திரிந்து முடியும்
என்றவாறு.
 

உம்மை சிறப்பு.
 

உதாரணம் : நெற்காய்த்தது  செற்கடிது  கொற்கடிது சொற்கடிது சிறிது
தீது பெரிது என வரும். 
 

372.

இஃது  இவ்  வீற்று  வினைக்குறிப்புச்  சொல்லுள்  ஒன்றற்கு  எய்தாத
தெய்துவித்தது.
 

இதன் பொருள் :      இல்லென்கிளவி     இன்மைசெப்பின்     -
இல்லென்னுஞ்சொல்   இருப்பிடமாகிய    இல்லை   உணர்த்தாது    ஒரு
பொருளினது இல்லாமையை உணர்த்தும் இடத்து, வல்லெழுத்து மிகுதலும் -
வல்லெழுத்து முதன்மொழி வந்துழி அவ் வல்லெழுத்து மிக்கு முடிதலும், ஐ
இடைவருதலும்  -  ஐகாரம்   இடையே   வருதலும்,   இயற்கையாதலும் -
இரண்டும் வாராது இயல்பாய் முடிதலும், ஆகாரம் வருதலும் - ஆகாரம்