385.

இதுவும் அது.
 

இதன் பொருள் : தமிழ்  என்  கிளவியும் - தமிழென்னுஞ் சொல்லும்,
அதனோரற்று -  வல்லெழுத்து  மிக்கு  முடிதலேயன்றி அக்குச்சாரியையும்
பெற்று முடியும் என்றவாறு.
 

அதனோரற்றே  என்றதனால்  இதற்குத்  தமிழ்க்கூத்தென வல்லெழுத்த
மிகுதலே வலியுடைத்து.
 

உதாரணம் : தமிழக்கூத்து  சேரி  தோட்டம்   பள்ளி   என  வரும்.
தமிழையுடைய   கூத்து  என   விரிக்க.   தமிழ்வரையர்   என்றாற்போல
வல்லெழுத்துப்பெறாது   அக்குப்  பெற்றன,  'உணரக்கூறிய'  (எழு - 405)
என்னும்  புறனடையாற் கொள்க. தமிழநாடு தமிழ்நாடு என ஏனைக்கணத்து
முடிபு    'எப்பெயர்   முன்னரும்'    (எழு - 128)   என்பதனுள்  'முற்ற'
என்றதனான் முடித்தாம். 
 

386.

இது  வல்லெழுத்து  விலக்கி  மெல்லெழுத்தும்  அம்மும்  வகுத்தலின்
எய்தியது விலக்கிப் பிறிதுவிதி கூறுகின்றது.
 

இதன் பொருள் : குமிழ்    என்    கிளவி   மரப்பெயர்  ஆயின் -
குமிழென்னுஞ்  சொற் குமிழ்த்தலென்னுந் தொழிலன்றி மரப்பெயராயின், பீர்
என்  கிளவியொடு  ஓர்   இயற்று  ஆகும்  -  பீரென்னுஞ்  சொல்லொடு
ஓரியல்பிற்றாய்  ஒருவழி மெல்லெழுத்தும் ஒருவழி அம்மும் பெற்றுமுடியும்
என்றவாறு.
 

உதாரணம் : குமிழ்ங்கோடு  குமிழங்கோடு  செதிள்  தோல்  பூ  என
வரும்.
 

ஓரியற்றென்றதனாற்  பிறவற்றிற்கும்  இம்முடிபு  கொள்க. மகிழ்ங்கோடு
மகிழங்கோடு என ஒட்டுக.

(91)