387.

இது   வல்லெழுத்தினோடு   மெல்லெழுத்துப்    பெறுக    என்றலின்
எய்தியதன்மேற் சிறப்புவிதி கூறுகின்றது.
 

இதன் பொருள் : பாழ்  என்   கிளவி   மெல்லெழுத்து   உறழ்வு -
பாழென்னுஞ்   சொல்லீறு   வல்லெழுத்தினோடு   மெல்லெழுத்துப்பெற்று
உறழ்ந்து முடியும் என்றவாறு.
 

உதாரணம் : பாழ்க்கிணறு  பாழ்ங்கிணறு  சேரி  தோட்டம் பாடி என
ஒட்டுக.  இது   பாழுட்கிணறு   என   விரியும்,  பாழ்த்த  கிணறு   என
வினைத்தொகை முடியாமையின். 
 

388.

இஃது   எண்ணுப்பெயர்   இவ்வாறு   முடிக    என்றலின்   எய்தாத
தெய்துவித்தது.
 

இதன் பொருள் : ஏழ்  ஏன்  கிளவி -  ஏழென்னும்  எண்ணுப்பெயர்
இறுதி,    உருபியல்   நிலையும்   -    உருபு    புணர்ச்சிக்கட்   கூறிய
இயல்பின்கண்ணே நிலைபெற்று அன்பெற்று முடியும் என்றவாறு.
 

அஃது 'அன்னென் சாரியை யேழ னிறுதி' (எழு - 194) என்பதாம்.
 

உதாரணம் : ஏழன்காயம்  சுக்கு  தோரை  பயறு என வரும். இயைபு
வல்லெழுத்து  ஓத்தின்  புறனடையான்  வீழ்க்க.  இஃது ஏழனாற் கொண்ட
காயம் என விரியும். 
 

389.

இது மேலதற்கு எய்தாத தெய்துவித்தது.
 

இதன் பொருள் : அளவும்    நிறையும்     எண்ணும்    வருவழி -
அவ்வேழென்பதன்முன்னர் அளவுப்பெயரும் நிறைப்