392.

இஃது எய்தியது  முழுவதூஉம் விலக்கிற்று, உகரங்கெட்டு அதன்மேலே
நெடுமுதல் குறுகாது என்றலின்.
 

இதன் பொருள் : நூறு   ஊர்ந்து   வரூஉம்  ஆயிரக்   கிளவிக்கு -
அவ்வேழென்பது   நூறென்னுஞ்  சொன்மேல்   வரும்   ஆயிரமென்னுஞ்
சொல்லிற்கு,  கூறிய  நெடுமுதல்  குறுக்கமின்று  -  முற்கூறிய  நெடுமுதல்
குறுகி உகரம் பெறுதலின்று என்றவாறு.
 

உதாரணம் : ஏழ்நூறாயிரம் என வரும்.
 

கூறிய      என்றதனான்       நெடுமுதல்குறுகி       ¹உகரம்பெற்று
எழுநூறாயிரமெனவும் வரும்.
 

இதனானே ஏழாயிரமென மேல் முதனிலை குறுகாமையுங் கொள்க.
 

இதனானே  எழுஞாயிறு  எழுநாள்  எழுவகை  என  இயல்பு கணத்து
நெடுமுதல் குறுகி உகரம் பெறுதலும் கொள்க. 
 

393.

இதுவும் அது.
 

இதன் பொருள் : ²ஐ   அம்    பல்    என   வரூஉம்   இறுதி -
அவ்வேழன்முன்னர்  ஐயென்றும்  அம்மென்றும்  பல்லென்றும்  வருகின்ற
இறுதிகளையுடைய,  அல்பெயர்   எண்ணினும்  -    பொருட்பெயரல்லாத
எண்ணுப்பெயராகிய  தாமரை  வெள்ளம் ஆம்பல் என்பன வந்தாலும், ஆ
இயல் நிலையும் - நெடுமுதல் குறுகி உகரம்பெறாது அவ்வியல்பின்கண்ணே
நின்று முடியும் என்றவாறு.
 

உதாரணம் : ஏழ்தாமரை ஏழ்வெள்ளம் ஏழாம்பல் என வரும். 
 

1. ஆசிரியர்,   குறுக்கமின்றே   என்று  கூற  உரைகாரர்  வருமெனல்
பொருந்தாது. அவ்வாறு வருவது பிற்கால வழக்காம்.
 

2. தாமரை - ஐ   இறுதி ;  வெள்ளம் - அம்  இறுதி.  ஆம்பல் - பல்
இறுதி.