இதன் பொருள் : தொழிற்பெயரெல்லாம்     -     ளகார    ஈற்றுத்
தொழிற்பெயரெல்லாம்   இருவழியும்,   தொழிற்பெயர்   இயல  -  ஞகார
ஈற்றுத்   தொழிற்பெயர்போல   வன்கணத்து   உகரமும்  வல்லெழுத்தும்,
மென்கணத்தும்   இடைக்கணத்து  வகரத்தும்  உகரமும்  பெற்று  முடியும்
என்றவாறு.
 

உதாரணம் : துள்ளுக்கடிது  சிறிது  தீது  பெரிது  ஞான்றது  நீண்டது
மாண்டது வலிது எனவும்,  துள்ளுக்கடுமை சிறுமை தீமை பெருமை ஞாற்சி
நீட்சி மாட்சி வன்மை எனவும் வரும்.
 

எல்லா  மென்றதனானே   இருவழியுந்  தொழிற்  பெயர்கள்  உகரமும்
வல்லெழுத்தும்  பெறாது  திரிந்தும்   திரியாதும்   முடிவனவுங்  கொள்க.
கோள்கடிது  கோட்கடிது,  கோள்கடுமை  கோட்கடுமை என்பன போல்வன
பிறவும் வரும்.
 

இனி  வாள்கடிது  வாட்கடிது  சிறிது தீது பெரிது எனவும் வாள்கடுமை
வாட்கடுமை எனவுங் காட்டுக. வாள் - கொல்லுதல். 
 

402.

இது  திரிபுவிலக்கி  அத்தும்  இன்னும் வகுத்தலின் எய்தியது விலக்கிப்
பிறிதுவிதி வகுத்தது.
 

இதன் பொருள் : இருள்  என்   கிளவி  -   இருளென்னுஞ்  சொல்
வேற்றுமைப்    பொருட்புணர்ச்சிக்கண்,    வெயிலியல்    நிலையும்    - வெயிலென்னுஞ் சொற்போல அத்தும் இன்னும் பெற்று முடியும் என்றவாறு.
 

உதாரணம் : இருளத்துக்கொண்டான்  இருளிற்கொண்டான்  சென்றான்
தந்தான் போயினான் என வரும்.
 

சாரியை   வரையாது   கூறியனமையின்   இயல்பு  கணத்தும்  ஒட்டுக.
இருளத்துஞான்றான்  நீண்டான் மாண்டான் இருளின் ஞான்றான் நீண்டான்
மாண்டான் என வரும். 
 

403.

இதுவும்  எய்தியது  விலக்கிப்  பிறிதுவிதி  வகுத்தது, திரிபும் இயல்பும்
விலக்கித் தொழிற்பெயர்விதி வகுத்தலின்.