உருபியல்   நிலையும் - உருபு   புணர்ச்சியின்  இயல்பின்கண்ணே நின்று
அன்பெற்றுப் புணரும் என்றவாறு.
 

உதாரணம் : ஒன்றன்காயம்  இரண்டன்காயம் சுக்கு தோரை பயறு என
ஒட்டுக.  ¹ஒன்றனாற்கொண்ட  காயமென  விரியும்.  வருமொழி  வரையாது
கூறினமையின்,  இயல்புகணத்துக்கண்ணுங்  கொள்க  ஒன்றன்ஞாண்   நூல்
மணி  யாழ்  வட்டு  அடை என வரும். மேலைச் சூத்திரத்து 'நிலை' (எழு
- 418) என்றதனான் இயைபு வல்லெழுத்து வீழ்க்க.
 

(14)
 

420.

இது மென்றொடர்மொழியுட் சிலவற்றிற்குப் பிற முடிவு கூறுகின்றது.
 

இதன் பொருள் : வண்டும்    பெண்டும்    இன்னொடு   சிவணும் -
வண்டென்னுஞ்   சொல்லும் பெண்டென்னுஞ் சொல்லும் இன்சாரியையோடு
பொருந்தி முடியும் என்றவாறு.
 

உதாரணம் : வண்டின்கால்   பெண்டின்கால்   என   வரும்.  இதற்கு
முற்கூறிய இலேசினான் வல்லெழுத்து வீழ்க்க. 
 

421.

இது   மேற்கூறியவற்றுள்   ஒன்றற்கு    எய்தியதன்மேற்   சிறப்புவிதி
கூறுகின்றது.
 

இதன் பொருள் : பெண்டு   என்  கிளவிக்கு  அன்னும்  வரையார் -
பெண்டென்னுஞ் சொற்கு  இன்னேயன்றி அன்சாரியை வருதலையும் நீக்கார்
ஆசிரியர் என்றவாறு.
 

உதாரணம் : பெண்டன்கை செவி தலை புறம் என வரும். 
 

422.

இஃது  ஈரெழுத்    தொருமொழிக்    குற்றியலுகரத்துள்   ஒன்றற்குஞ்
சுட்டுமுதலாகிய  ஆய்தத்  தொடர்மொழிக்  குற்றிய  லுகரத்திற்கும்  வேறு
முடிபு கூறுகின்றது.

1. ஒன்று - ஒரு காசு. காயம் - சரக்கு.