இதன் பொருள் : யாதுஎன்   இறுதியுஞ்   சுட்டுமுதலாகிய    ஆய்த
இறுதியும்   -  யாதென்னும்  ஈறுஞ்  சுட்டெழுத்து  முதலாகிய   ஆய்தத்
தொடர்மொழிக்   குற்றியலுகர   ஈறும்,  உருபியல்  நிலையும்  -   உருபு
புணர்ச்சியின்   இயல்பின்கண்ணே  நின்று  அன்பெற்றுச்  சுட்டுமுதலிறுதி
ஆய்தங்கெட்டு முடியும் என்றவாறு.
 

உதாரணம் : யாதன்கோடு அதன்கோடு இதன்கோடு உதன்கோடு செவி
தலை  புறம்  என வரும். ஆய்தங்கெடா  முன்னே அன்னின் அகரத்தைக்
குற்றுகரத்தின்மேல்  ஏற்றுக.  ஆய்தங்   கெட்டால்  அது   முற்றுகரமாய்
நிற்றலின். 
 

423.

இது முற்கூறியவற்றுட் சுட்டுமுதலுகரத்திற்கு ஒருவழி அல்வழி முடிபு
கூறுகின்றது.
 

இதன் பொருள் : முன்னுயிர்  வருமிடத்து - சுட்டுமுதலாகிய ஆய்தத்
தொடர்மொழிக் குற்றுகர ஈற்றின் முன்னே  உயிர் முதன்மொழி வருமிடத்து,
ஆய்தப்புள்ளி மன்னல் வேண்டும் - ஆய்தவொற்று  முன்போலக் கெடாது
நிலைபெற்று   முடிதலை   விரும்பும்    ஆசிரியன்,     அல்வழியான -
அல்வழிக்கண் என்றவாறு.
 

உதாரணம் : அஃது இஃது  உஃது என நிறுத்தி அடை ஆடை இலை
ஈயம்  உரல் ஊர்தி எழு  ஏணி  ஐயம்  ஒடுக்கம்  ஓக்கம்  ஒளவியம் என
ஒட்டுக.
 

முன்னென்றதனான்   வேற்றுமைக்கண்ணும்    இவ்  விதி    கொள்க.
¹அஃதடைவு   அஃதொட்டம்   என  ஒட்டுக. இவற்றிற்கு  இரண்டாமுருபு
விரிக்க.  இன்னும்  இதனானே  ஏனை  இலக்கணம்  முடியுமாறு  அறிந்து
முடிக்க. 
 

424.

இது மேலவற்றிற்குப் பிறகணத்தோடு அல்வழி முடிபு கூறுகின்றது. 

1. அஃதடைவு -  அதனை  அடைதல்  என விரியும். அஃதொட்டம் -
அதனை ஒட்டல் என விரியும்.