வல்லொற்றாகாது  ஐகாரமும்  வல்லெழுத்தும் பெற்று முடிவனவுங் கொள்க.
ஒர்யாட்டையானை    ஐயாட்டையெருது     எனவும்,    அற்றைக்கூத்தர்
இற்றைக்கூத்தர் எனவும், மன்றைத்தூதை மன்றைப்பானை பண்டைச்சான்றார்
எனவும் வரும். 
 

426.

இஃது  அவ்வாறு  ஈற்றுள்  ஒன்றற்கு  எய்தியது  விலக்கிப் பிறிதுவிதி
வகுத்தது.
 

இதன் பொருள் : வல்லொற்றுத் தொடர்மொழி வல்லெழுத்து மிகும் -
வல்லொற்றுத்  தொடர்மொழிக்  குற்றுகர  ஈறு   வல்லெழுத்து   வருவழி
வல்லெழுத்து மிகும் முடியும் என்றவாறு.
 

உதாரணம் : கொக்குக்கடிது  பாக்குக்கடிது  பட்டுக்கடிது  சிறிது   தீது
பெரிது என வரும். 
 

427.

இதுவும்  அவ்  ஆறு   ஈற்றுள்   ஒன்றன்கண்   ஏழாம்   வேற்றுமை
இடப்பொருள் உணரநின்ற இடைச்சொற்கு முடிபு கூறுகின்றது.
 

இதன் பொருள் : சுட்டுச்சினை    நீடிய   மென்றொடர்   மொழியும்
சுட்டாகிய  சினையெழுத்து  நீண்டமென்றொடர்க்  குற்றுகர ஈறும், யாவினா
முதலிய   மென்றொடர்  மொழியும்  -  யாவென்னும்     வினாமுதலாகிய
மென்றொடர்மொழிக் குற்றுகர ஈறும், வல்லெழுத் தியற்கை ஆஇயல் திரியா
- வல்லெழுத்துப்பெற்று   முடியுந்  தன்மையாகிய  அவ்வியல்பிற் றிரியாது
முடியும் என்றவாறு.
 

உதாரணம் : ஆங்குக்கொண்டான்               ஈங்குக்கொண்டான்
ஊங்குக்கொண்டான்  யாங்குக்கொண்டான் சென்றான் தந்தான் போயினான்
என வரும்.