முடிக்க.   இவற்றிற்கு  ஒற்றிரட்டுதலும்  உகரம்  வருதலும் வல்லெழுத்துப்
பெறுதலும் 'ஒன்று  முதலாக' (எழு - 433) என்பதனுள் 'முற்ற' என்றதனாற்
கொள்க. 
 

437.

இஃது எண்ணுப்  பெயரோடு பத்தென்னும்  எண்ணுப் பெயர்க்கு முடிபு
கூறுகின்றது.
 

இதன் பொருள் : ஒன்றுமுதல் ஒன்பான் இறுதி முன்னர் - ஒன்றுமுதல்
ஒன்பது ஈறாகக்  கூறுகின்ற எண்ணுப் பெயர்களின் முன்னர், நின்ற பத்தன்
ஒற்றுக்கெட - வருமொழியாக  வந்துநின்ற பத்தென்னுஞ் சொல்லினது தகர
ஒற்றுக்கெட,  ஆய்தம்   வந்து   இடைநிலையும்   இயற்கைத்   தென்ப -
ஆய்தமானது வந்து இடையே நிலைபெறும் இயல்பையுடைத்தென்று கூறுவர்
ஆசிரியர்,  ஆறன்  இறுதி   அல்வழி  யான -  அவற்றுள்  ஆறென்னும்
ஈறல்லாதவிடத்து, குற்றிய லுகரம் கூறிய இயற்கை - குற்றியலுகரம் முற்கூறிய
இயற்கையாய் மெய்யொடுங் கெட்டுமுடியும் என்றவாறு.
 

இங்ஙனம் வருமாறு மேற் சூத்திரங்களுட் காட்டுதும்.
 

வந்தென்றதனால்  ஆய்தமாகத்  திரியாது  தகர  ஒற்றுக்கெட்டு ஒருபது
என்று நிற்றலுங் கொள்க. 
 

438.

இது   மேற்கூறியவற்றிற்    சிலவற்றிற்கு    நிலைமொழிச்    செய்கை
கூறுகின்றது.