இதன் பொருள் : நான்கனொற்று - நான்காமெண்ணின்கணின்ற  னகர
ஒற்று, லகார மாகும் - வகரமுதன்மொழி  வந்தால்  லகர ஒற்றாகத் திரிந்து
முடியும் என்றவாறு.
 

உதாரணம் : நால்வட்டி என வரும். 
 

454.

இதுவும் அது.
 

இதன் பொருள் : ஐந்த  னொற்று -  ஐந்தாமெண்ணின்கணின்ற  நகர
ஒற்று,  முந்தையது கெடும் - வகரமுதன்மொழி  வந்தால் முன்னின்ற வடிவு
கெட்டு முடியும் என்றவாறு.
 

உதாரணம் : ஐவட்டி என வரும்.
 

முந்தையென்றதனால்  நகர  ஒற்றுக்  கெடாது  வகர ஒற்றாகத் திரிந்து
ஐவ்வட்டியெனச் சிறுபான்மை வரும். 
 

455.

இது  ¹மாட்டேற்றான்  எய்திய   உகரத்திற்குக்  கேடுகூறி   முதனீள்க
என்றலின் எய்தியது விலக்கிப் பிறிதுவிதி கூறுகின்றது.
 

இதன் பொருள் : முதலீ  ரெண்ணின்  முன்  உயிர் வருகாலை - ஒரு
இரு  என  முடிந்துநின்ற  இரண்டெண்ணின்  முன்னர் உயிர் முதன்மொழி
வருமொழியாய்  வருங்காலத்து,   உகரக்   கிளவி  தவலென  மொழிப  -
நிலைமொழி  யுகரமாகிய  எழுத்துக்  கெடுதலாமென்று சொல்லுவர் புலவர்,
ஆவயினான  முதனிலை  நீடல்  -   அவ்    விரண்டெண்ணின்கணின்ற
முதலெழுத்துக்கள் நீண்டு முடியும் என்றவாறு.
 

உதாரணம் : ஓரகல் ஈரகல் ஓருழக்கு ஈருழக்கு என வரும். 
 

1. இங்கே  மாட்டேறு   என்றது   'அளந்தறிகிளவியும்'   என்ற  41-ம்
சூத்திரத்துக் கூறிய மாட்டேற்றை.