மூழக்கு   மூழாக்கென்னும்  மருமுடிபு   இவ்வோத்தின்  புறனடையான்
முடிக்க.
 

458.

இதுவும் அது.
 

இதன் பொருள் : ஆறென்  கிளவி  -  ஆறென்னு  மெண்ணுப்பெயர்
அகல்  உழக்கு  என்பன  வரின், முதல்  நீடும் -  முன்னர்க்  குறுகிநின்ற
முதலெழுத்து நீண்டு முடியும் என்றவாறு.
 

அறுவென்னாது ஆறென்றார், திரிந்ததன் றிரிபது என்னும் நயத்தால்.
 

உதாரணம் : ஆறகல் ஆறுழக்கு என வரும். 
 

459.

இது  குற்றுகரம்  மெய்யொடுங்  கெடாதுநின்று  இன்பெறுக  என்றலின்
எய்தியது விலக்கிப் பிறிதுவிதி வகுக்கின்றது.
 

இதன் பொருள் : ஒன்பான்  இறுதி  உருவுநிலை திரியாது - அளவும்
நிறையும்  வருவழி ஒன்பதென்னும் எண்ணின் இறுதிக் குற்றுகரந் தன்வடிவு
நிலைதிரியாது  நின்று,  சாரியைமொழி  இன்பெறல் வேண்டும் - சாரியைச்
சொல்லாகிய இன்பெற்று முடிதலை விரும்பும் ஆசிரியன் என்றவாறு.
 

உதாரணம் : ஒன்பதின்கலம் சாடி தூதை பானை நாழி மண்டை வட்டி
அகல் உழக்கு எனவும், கழஞ்சு தொடி பலம் எனவும் வரும்.
 

சாரியைமொழி  யென்றதனான்  இன்னோடு  உகரமும்  வல்லெழுத்துங்
கொடுத்துச்  செய்கைசெய்து    முடிக்க.   ஒன்பதிற்றுக்கலம்   சாடி   என
எல்லாவற்றோடும் ஒட்டுக.
 

உருபென்பதனான்  ஒன்பதிற்றென   ¹ஒற்றிரட்டுதல்   எல்லாவற்றிற்குங்
கொள்க.

1. ஒற்றிரட்டுதல் என்றது இன்னி னகரவொற்று றகரமாய் இரட்டுதலை.