இதன் பொருள் : அளபிறந்து உயிர்த்தலும் ஒற்றிசை நீடலும் நரம்பின்
மறைய   என்மனார்   புலவர்  -  முற்கூறிய    உயிரும்   உயிர்மெய்யும்
மாத்திரையை   இறந்தொலித்தலும்   ஒற்றெழுத்துக்கள் அரைமாத்திரையின்
நீண்டொலித்தலும்  யாழ்  நூலிடத்தன என்று கூறுவர் புலவர், இசையொடு
சிவணிய உளவென மொழிப - அங்ஙனம் அளபிறந்தும் நீண்டும் இசைத்தல்
ஓசையோடு பொருந்திய நால்வகைச் செய்யுட்களுக்கும் உளவென்று கூறுவர்
ஆசிரியர் என்றவாறு.
 

எழுத்துக்கள்   முற்கூறிய   மாத்திரையை ¹இறந்தொலிக்குமாறு  கண்டு,
அஃது  இறந்தொலிக்கும் இடங் கூறினார், எழுத்துஞ் சொல்லும் பொருளுங்
கிடக்கும்     இடஞ்    செய்யுளிடமாதலின்.   அது    மிக்கொலித்தலைச்
செய்யுளியலின்கண்  'மாத்திரையெழுத்திய  லசைவகையெனாஅ' (செய் - 1)
என இருபத்தாறு உறுப்பிற்குஞ் சிறப்புறுப்பாக முற்கூறிப், பின்னர்
 

'மாத்திரை யளவு மெழுத்தியல் வகையு
மேற்கிளந் தன்ன வென்மனார் புலவர்.' 

என இச் சூத்திரத்தோடு மாட்டெறிந்து, பின்னும்
 

'எழுத்தள வெஞ்சினுஞ் சீர்நிலை தானே
குன்றலு மிகுதலு மில்லென மொழிப.' 

என்றுங் கூறினார். ²இது எதிரதுபோற்றலென்னும் உத்தியுங் கூறிற்று.
 

உதாரணம் : 'வருவர்கொல்  வயங்கிழாஅய் வலிப்பன்யான் கேஎளினி'
(கலி  - 11)   என்புழி   ழகர  ஆகாரமும்  ககர  ஏகாரமும்   மாத்திரை
இறந்தொலித்தவாறு  உணர்க. 'பிடியூட்டிப்  பின்னுண்ணுங்ங்   களிறெனவு
முரைத்தனரே' (கலி - 11)  என்புழி  ஙகரவொற்று அளவிறந்தவாறு காண்க.
ஒழிந்த  மூவகைச்   செய்யுட்கும்  இவ்வாறே  தத்தமக்குரிய பாவென்னும்
உறுப்பினை நடாத்தி அளவு மிகுமாறு காண்க.
 

சிவணிய   என்பது ³தொழிற்பெயர்.  இசையொடு   சிவணிய  எனவே
செய்யுளாதல் பெற்றாம். நரம்பென்றது ஆகுபெய 

1. இறந்து - கடந்து.
 

2. இது - இச் சூத்திரம்.
 

3. தொழிற்பெயர் - வினையாலணையும் பெயர்.