சொற்களோடு சேர்த்தி, யாதானுமொரு சொல்லாயினும் பொருள் வேறுபடுத்து உரைக்க: அறிவோர் என்றவாறு.

(1)

வெளிப்படையல்லா உரிச்சொற்களே இவ்வியலில்
கூறப்படும் என்றல்

ஈண்டு ஓதுகின்ற உரிச்சொல் இவை என்பது உணர்த்துதல்
நுதலிற்று.

இ - ள். வழக்கின்கண் எல்லாரானும் அறியப்பட்ட சொல் ஈண்டு எடுத்து ஓதவேண்டா. அறியப்படாத உரிச்சொன்மேலன: வருகின்ற சூத்திரங்கள், எ - று.

எ - டு. வெளிப்படு சொல்லாவன உண்டல் என்பதற்கு அயிறல், மிசைதல் எனவும்; உறங்குதல் என்பதற்குத் துஞ்சல் எனவும்; இணை விழைச்சு என்பதற்குப் புணர்தல், கலத்தல், கூடல் எனவும்; அச்சம் என்பதற்கு வெரூஉதல் எனவும் இவ்வாறு வருவன. இனி வெளிப்பட வழங்காதன கூறப்படுகின்றன.

(2)

உறு, தவ, நனி, என்பனவற்றின் பொருள்

இஃது உரிச்சொற்களிற் சில சொற்பொருள் உணர்த்துமாறு
உணர்த்துதல் நுதலிற்று.

இக்கருத்து வருகின்ற சூத்திரங்கட்கும் ஒக்கும்.

இ - ள். உறு, தவ, நனி என்று சொல்லப்பட்ட மூன்று சொல்லும் மிகுதி என்னும் சொல்லான் அறியப்படும் பொருளை உணர்த்தும், எ - று.

எ - டு. ‘உறுபுனல் தந்துல கூட்டி’ (நாலடி-185): ‘ஈயாது வீயும் உயிர்தவப் பலவே’ (புறம் - 235); ‘வந்துநனி வருந்தினை வாழிய ²நெஞ்சே’ (அகம் - 19); இவை மிகுதி உணர்த்தியவாறு கண்டுகொள்க.

(3)

உரு என்பதன் பொருள்

1. (பா - ம்.) அவைதாம் - என்ற தனிச் சொல்லுடன் ஏனையுரைகளில் இந்நூற்பா காணப்படுகிறது.

2. வாழியென்--வேறுபாடம்.

3. அடுத்த சூத்திரத்தையும் இதனோடு சேர்ந்துரைப்பர்ஏனையுரையாளர்கள்.