சேர்தல், சேர்த்தல், வீழ்தல், வீழ்த்தல், போன்றவை
இத்தகையன. இவை வினைப்போலியாக வந்த உரிச்சொற்கள் என
அறிக. துணையிற்றீர்ந்த கடுங்கண்யானை என்பது பெயரெச்ச
வினையாதலன்றி உரிச்சொல்லாகாமையான் இத்தகையன காட்டாதற்கு
ஒவ்வா என்க.
|
சூ. 320 : | கெடவரல் பண்ணை ஆயிரண்டும் விளையாட்டு |
(23)
|
உரை:கெடவரல், பண்ணை எனவரும் அவ்விரு குறிப்புரிச்
சொற்களும் விளையாட்டு என்னும் பொருள் பற்றி வரும்.
|
எ-டு : "கெடவரலாயமொடு" எனவும் "பண்ணைத் தோன்றிய
எண்ணான்கு பொருளும்" எனவும் வரும். இவை தனித்துப்
பெயர்ப்போலியாய் வரும். 'விளையாட்டு' என்றது அத்தொழிற்பண்பினைச்
சுட்டி நின்றது.
|
சூ. 321 : | தடவும் கயவும் நளியும் பெருமை |
(24)
|
உரை:தட கய நளி என்னும் பண்புரிச் சொற்கள் பெருமை என்னும்
பொருள்பற்றி வரும் (பெருமை - பெருக்கம்)
|
எ-டு : வலிதுஞ்சு தடக்கை (புறம்-394) எனவும் கயவாய்ப்
பெருங்கையானை (அகம்-118) எனவும் நளிமலை நாடன் நள்ளி
(புறம்-150) எனவும் வரும்.
|
| சூ. 322 : | அவற்றுள் |
| தடவென் கிளவி கோட்டமும் செய்யும் |
(25)
|
உரை:மேற்கூறிய மூன்றனுள் தட வென்னும் சொல் பெருமையாகிய
பண்புணர்த்தலேயன்றி வளைவு என்னும் பண்புணர்த்தியும் வரும். எ-டு
: தடமருப் பெருமை (நற்-160) எனவரும்.
|
சூ. 323 : | கயவென் கிளவி மென்மையும் செய்யும் |
(26)
|
உரை:கயவென்னும் உரிச்சொல் பெருமையேயன்றி மென்மைப்
பண்புணர்த்தியும் வரும். எ-டு: கயந்தலை மடப்பிடி (நற்-137) எனவரும்.
|
சூ. 324 : | நளியென் கிளவி செறிவு மாகும் |
(27)
|
உரை:நளி என்னும் உரிச்சொல் பெருமைப்பண்பேயன்றிச் செறிவு
என்னும் குறிப்புணர்த்தியும் வரும். எ-டு : நளியிரு முந்நீர் நாவாய் ஓட்டி
(புறம்-66) எனவரும். |