சூ. 357 : | அரியே ஐம்மை |
(60)
|
உரை:அரி என்னும் குறிப்புரிச்சொல் ஐம்மை என்னும் பொருள்
பற்றிவரும். (ஐம்மை-நொய்ம்மை-அழகுமாம்) இதுவும் வினைப்போலியாய்
அடையாக வரும். எ-டு : அரிமயிர்த்திரள் முன்கை (புறம்-11) எனவரும்.
|
சூ. 358 : | கவவு அகத்திடுமே |
(61)
|
உரை:கவவு என்னும் குறிப்புரிச்சொல் அகத்திடுதலாகிய பொருள்
பற்றி வரும். (அகத்திடுதல்-அகப்படுத்தி நிற்றல்) எ-டு : கழூஉவிளங் கா£ரம்
கவைஇய மார்பே (புறம்-9) எனவரும். இது வினைப்போலியாய் வரும்.
|
| சூ. 359 : | துவைத்தலும் சிலைத்தலும் இயம்பலும் இரங்கலும் |
| இசைப்பொருட் கிளவி என்மனார் புலவர் |
(62)
|
உரை:துவை(த்தல்) சிலை(த்தல்) இயம்(பல்) இரங்கு(அல்)
என்னும் இசையுரிச் சொற்கள் நான்கும் ஓசையும் ஒலியும் ஆகிய இசை
குறித்து வரும் உரிச்சொற்கள் எனக்கூறுவர் புலவர்.
|
எ-டு : முரசுகடிப் பிகுப்பவும் வால்வளை துவைப்பவும் (புறம் - 158)
எனவும், ஆமா நல்லேறு சிலைப்ப (முருகு - 315) எனவும், கடிமனை
இயம்ப (புறம் - 36) எனவும் ஏறிரங் கிருளிடை இரவினிற் பதம்பெறாஅன்
(கலி - 46) எனவும் வரும். துவைத்தலும், சிலைத்தலுமாகிய வெளிப்பட
வாராதனவற்றை உணர்த்துவார் பொருள் ஒத்து வருதல்பற்றி இயம்பலும்
இரங்கலும் உடன் ஓதினார் என்க. இவை பெயர், வினைகட்கு
முதனிலையாய் வரும்.
|
| சூ. 360 : | அவற்றுள் |
| இரங்கல் கழிந்த பொருட்டு மாகும் |
(63)
|
உரை:மேற்கூறியவற்றுள் இரங்கல் என்பது கழிந்தநிலை உணர்த்துங்
குறிப்புரிச்சொல்லாயும் வருதற்காகும். எ-டு : செய்திரங்காவினைச்
சேண்விளங்கும் புகழ் (புறம்-10) எனவரும்.
|
சூ. 361 : | இலம்பாடு ஒற்கம் ஆயிரண்டும் வறுமை |
(64)
|
உரை:இலம்பாடு - ஒற்கம் என்னும் குறிப்புரிச்சொற்கள் இரண்டும்
வறுமை என்னும் பொருள் குறித்து வரும். |