உரை:நன என்னும் குறிப்புரிச் சொல் இடமாகிய களத்தையும் அகலப்
பரப்பினையும் உணர்த்தி வரும்.
|
எ-டு : நனவுப்புகு விறலியிற் றோன்றும் நாடன் (அகம்-82) எனவும்
நனந்தலை லகம் எனவும் வரும். இது பெயர்ப்போலியாகத் தனித்து வரும்.
|
சூ. 378 : | மதவே மடனும் வலியு மாகும் |
(81)
|
உரை:மத என்னும் குறிப்புரிச் சொல் மடனும் வலியுமாகிய
பொருட்காகி வரும்.
|
எ-டு : பதவுமேய்ந்த மதவுநடை நல்லான் (அக-14) எனவும், கயிறிடு
கதச்சேப் போல மதமிக்கு (அக-36) எனவும் வரும். மடப்பமும்
வன்மையுமாகிய பண்புச் சொற்கள் வேறு. இவை மதர்த்தலும்
செருக்குமாகிய குறிப்பினவாம். இது பெயரடையாகப் பெயர்ப் போலியாக
வரும்.
|
சூ. 379 : | மிகுதியும் வனப்பும் ஆகலும் உரித்தே |
(82)
|
உரை:மேற்கூறிய 'மத' என்னும் சொல் மிகுதியும் வனப்புமாகிய
பொருட்காகிவருதலும் உரியதாகும்.
|
(மிகுதி - ஊக்கம். வனப்பு - கதிர்ப்பு) உம்மை சிறுபான்மையை
உணர்த்தி நின்றது. அதனான் பிரித்துக் கூறினார். அஃது இப்பொருளில்
வினைப்போலியாக வருதலின் பிரித்துக் கூறினார் எனினுமாம். எ-டு :
'மதவிடை' எனவும், 'மாதர் வாண்முகம் மதைஇய நோக்கே' எனவும் வரும்.
|
சூ. 380 : | புதிதுபடற் பொருட்டே யாணர்க் கிளவி |
(83)
|
உரை:யாணர்என்னும் குறிப்புரிச் சொல் புதிய நிலைமையினை
உணர்த்திவரும். இது பெயர்ப் போலியாகத்தனித்து வரும். எ-டு : மீனொடு
பெயரும் யாணர் ஊர (நற்-210) எனவரும்.
|
சூ. 381 : | அமர்தல் மேவல் |
(84)
|
உரை : அமர்தல் என்னும் குறிப்புரிச்சொல் மேவுதலாகிய பொருள்
குறித்து வரும். மேவுதலாவது - விரும்பிச் சேறல். எ-டு : அகனமர்ந்து
செய்யாள் உறையும் (குறள்-84) இது வினைப்போலியாய் வரும். இருத்தல்
என்னும் வெளிப்படு சொல்லாகிய அமர் என்னும் தொழிற் பெயர் வேறு.
இது வேறு. |