:: TVU ::

சான்றோர் எல்லோருக்கும் உடன்பாடான செய்திகளாக இருத்தல் வேண்டும் என்பது வற்புறுத்தப்படவில்லை.
இவையேயன்றி இவ்வுரைகாரர் ஒருசில நூற்பாக்களில் சில திருத்தங்கள் செய்துள்ளார். சில நூற்பாக்கள் விடுபட்டிருக்கலாம் என்றும் கருதுகிறார். அவற்றை நிரலே காண்போம்.
சூ. 18:-	இனச்சுட் டில்லாப் பண்புகொள் பெயர்க்கொடை வழக்கா றல்லாச் செய்யு ளாறே.

சூ. 38:-	சுட்டுப்பெயர்க் கிளவி முற்படக் கிளவா இயற்பெயர் வழிய என்மனார் புலவர்

சூ. 44:-	ஒருமை எண்ணின் பொதுப்பிரி பாற்சொல் ஒருமைக் கல்லது எண்ணுமுறை நில்லாது

சூ. 132:-	அண்மைச் சொல்லிற்கு அகரமும் ஆகும்

சூ. 183:-	பன்மை சுட்டிய எல்லாப் பெயரும் ஒன்றே பலவே ஒருவர் என்னும் அன்றிப் பாற்கும் ஓரன் னவ்வே.

சூ. 408:-	அடிமறிச் செய்தி அடிநிலை திரியாது சீர்நிலை திரிந்து தடுமா றும்மே

சூ. 409:-	பொருள்தெரி மருங்கின் ஈற்றடி இருசீர் எருத்துவயின் திரிபும் தோற்றமும் வரையார்
(தெய்வச்சிலையார் பாடமும் அன்று)

சூ. 425:-	உரைசொல் லடுக்கே மூன்றுவரம் பாகும்

சூ. 221:-	ஆகிய, 'இன்றில உடைய' என்பதனையடுத்துப் பொருளும் இடமும் செய்கையும் பற்றி அஃறிணை வினைக்குறிப்பு வரும் என்னும் பொருள்பட அமைந்த நூற்பா ஒன்று இருந்து மறைந்திருத்தல் வேண்டும் (பக்-259)

236ஆம் நூற்பாவையடுத்து; "பன்முறை யானும் பெயரெஞ்சு கிளவி சொன்முறை முடியாது அடுக்குந வரினும் முன்னது முடிய முடியுமன் பொருளே" என்றொரு நூற்பா இருந்து மறைந்திருத்தல் வேண்டும். (பக்-237)
இவையேயன்றித் தெய்வச்சிலையாரைப் பின்பற்றி 'வாரா மரபின' (சூ. 422) என்ற நூற்பாவையடுத்து "இசைநிறை அசைநிலை ... ... அடுக்கே" என்ற நூற்பாவை அமைத்துள்ளார்.