தெய்.

இ-ள் : வயவென்னுஞ் சொல் வலியென்பதன் பொருள்படும்,  எ-று.

உ-ம் :‘வயக்களிறு’                          (மதுரைக். 15)

நச்.

இதுவுமது.

இ-ள் : வயவலி ஆகும் வய வலியாகிய குறிப்பு உணர்த்தும் எ-று.

உ-ம் : ‘துன்னருந் துப்பின் வயமான்  தோன்றல்’  (புறம் 44) என
வரும்.

வெள்.

இ-ள் : (சூ. 362ல் பார்க்க)

ஆதி.

பொருள் :வய-வசப்பட்ட-பலமான

வாள்
 

361.

(வாள் ஒளி ஆகும்)
 

ஆ. மொ. இல.

Vāl means brightness

ஆல்.

Vāl means brightness.

பி. இ. நூ.

நேமி. சொ. 56

வாள் ஒளியாம்

இளம்.

வ-று : ‘கண்ணே, நோக்கி நோக்கி வாளிழந்  தனவே (குறுந். 44)
என்பது ஒளியிழந்தன என்பதாம்.

சேனா.

இ-ள் : (362ல் பார்க்க)

தெய்.

இ-ள் : வாள் என்னும் சொல் ஒளி யென்பதன் பொருள்படும்,எ-று.