சா : முருகன் அருளுவன்-என்னும்கடவுட் பெயரும், நரிமாமா வந்தார் - என்னும் குழந்தைக் கதை மரபுப் பெயர்க் கூற்றும் அவ்வகைய.

49. நூ: ஆண் பெண் இரண்டும் அலது என அமைந்த
       ஞாலப் பொருள்களை ஒருமை பன்மை
       என்னும் எண்ணோடியையக் கூட்டி
       ஐம்பால் ஆக்குவர் தொன்மைச் சான்றோர்.

    பொ: ஆணென்றும், பெண்ணென்றும், இரு தன்மையும் அல்லாதது என்றும் அமைந்திருக்கும் உலகப்பொருள்களை ஒருமை பன்மை என்னும் எண்ணிக்கை முறையில் தொடர்புறுத்திப்பால் ஐந்தென்பர்; பண்டைத் தமிழ்ச் சான்றோர்.

    பெண்ணாகி ஆணாய் அலியாய் (திருவெம் 18) திறவுகோலை இரட்டை ஆண், பெண் என்று பிரித்துரைப்பினும் இரண்டும் அலது பெரிதும் உயிரற்ற பொருள்களே.  எண்ணைத் தனித்துக் கூறாமல் பாலில் அடக்குவர் பண்டையோர் என்றபடி.

50. நூ: அவற்றுள்,
       ஆண் பெண் பலர் எனல் உயர்திணைப் பிரிவே
       ஒன்று பலவிவை அஃறிணைக் குரிய.

    பொ: அவற்றில் ஆண்பால், பெண்பால், பலர்பால் என்பன
உயர்திணைப் பிரிவாம்.  ஒன்றன்பால், பலவின்பால் என்னும் இவை
அஃறிணையில் அடங்கும்.

    சா: களிறு, பிடி; சேவல், பெட்டை என அஃறிணைக் கண்ணும் பால்
வேறுபாடுள்ளதாகவும் ஒன்றன்பால் எனவகுத்தது - இருபாற் சொல்லும் ஒரே
இறுநிலைபெறுதலின் பொருள் நோக்கூடே சொற்றொகுப்பு நோக்கி
ஒன்றாக்கப்பட்டது என்க.

    (ஆவந்தது, எருது வந்தது.  மந்தி எழுந்தெழுந்து கைந்நெரிக்கும்
ஈங்கோயே; வானரங்கள் கனிகொடுத்து மந்தியொடு கொஞ்சும்).

51. நூ: தன்னைச் சுட்டும் தன்மை; தனக்கு
      முன்னைச் சுட்டும் முன்னிலை; இரண்டும்
      அன்மையைத் தொலைவிலும் அருகிலும் படர்ந்து
      சொல்லும் படர்க்கைஎன் றிடம்மூ வகையே.